I Timôthe 3:16 - Sră Goh 2018

¹⁶ Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Timôthe 3:16 ပူးပေါင်းရင်းမြစ်များ

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Esai 9:6

Bơh gơs dô nă kòn dềt tơnggơs bol he in, hơ̆ la dô nă kòn klau ai bol he in, gơnoar at bồ rơp ơn hơđang pơnì Kơnràñ dê. Kơnràñ rơp geh sơnđan la Bơtau Jak Chài Crih Crài, la Yàng Tom Trồ Gơnap Gơnoar Dờng, la Bèp Gam Sùm Sùm, la Bơtau Ring Lơngai.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Mathiơ 28:2

Ne, gơs ù gơlơnggơr pràn ngan, bơh cau gơnrơh Yàng dê mù bơh đang trồ, tus pơrlă pơnai lŭ mơ nggui hơđang gơ.

Mathiơ 3:16

Dơ̆ neh ƀaptem rau, Yàng Jesu guh mo bơh dà. Ne, ală tap trồ gơ pò, mơ Kơnràñ gŏ Hwềng Yàng Tom Trồ dê be dô nơm sềm ntòp mù rơp hơđang Kơnràñ.

Mathiơ 4:11

Gen cà ràk lòi Kơnràñ. Ne, gơs ală cau gơnrơh tus duh broă Kơnràñ.

Jơnau Niam Jat Mak 1:13

Kơnràñ ơm tòm ƀlàng ngềt ngơt hơ̆ poan jơt ngai, kong cà Satan ơniai, ơm bal mơ ală phan poan jơng tòm brê, mơ gơs ală cau gơnrơh duh broă Kơnràñ.

Jơnau Niam Jat Mak 16:19

Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ.

Jơnau Niam Jat Mak 16:5

Behơ̆ bol khai mut tòm bơtô ƀồc, gŏ dô nă cau pơnu ơm nggui đah ma, soh ào jrùh bò gen bol khai rngòt ngan.

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Luka 20:44

Behơ̆ Dabit neh sơnđan Kơnràñ la Yàng, gen mbe Kơnràñ la kòn khai dê taih?”

Luka 22:43

Gơs dô nă cau gơnrơh bơh trồ tơlik mat mơ bơtơl pràn Kơnràñ in.

Luka 24:4

Tòm tŭ bol khai ơm pin wil wơl bơh bơta hơ̆, nisơna gơs bàr nă cau klau ntào di gah bol khai, soh ào àng gơcrà.

Luka 24:51

Tòm tŭ Kơnràñ gam ai lơngai, gen Kơnràñ lòi bol khai mơ geh cèng guh rê hơ trồ.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 16:28

Añ lik bơh di Bèp mơ lòt tus tòm dunnia; mơ tai, Añ rơp sang dunnia mơ rê wơl hơ Bèp.”

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Jang 20:12

Gŏ bàr nă cau gơnrơh soh ào bò, dô nă nggui đah bồ, dô nă nggui đah jơng, di tiah neh tơmbic ƀồc Yàng Jesu.

Jang 6:62

Behơ̆ dilah bol mê gŏ Kòn Mơnus guh hơ tiah Kơnràñ neh ơm lài òr, gen mbe bol mê rơp lơh taih?

Broă 1:19

Bơta hơ̆ jơh làng bol Jerusalem git lơm, tian gơs bol khai sơnđan sre hơ̆ jat jơnau đơs bol khai dê la Hakeldama, hơ̆ la sre mhàm)

Broă 10:34

Pier pò bơr mơ đơs lah: “Ngan añ đal git Yàng Tom Trồ ò di sền òsơp di cau lơi ò,

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

Rôma 10:18

Mơya añ lùp lah: Bol khai òhềt kơno ơ? Ngan neh kơno rau, “Jơnau ntas bol khai dê neh pơnro làm ù, Mơ jơnau bol khai dê neh gơyal tơlik làm jơh dunnia.”

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

Rôma 16:26

mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr.

Rôma 3:4

Ò di behơ̆ ò! Yàng Tom Trồ la song ngan, bulah ală cau la blac chừt, be neh cih lah: “Behơ̆, Yàng geh kòp la song ring tòm ală jơnau đơs Kơnràñ dê, Mơ geh pha lin tòm tŭ Kơnràñ kong cahrña.”

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

Rôma 9:5

bol khai la kòn sau neh gơs ală ồng pàng cau Hebrơ màng ryŭ, mơ jat đah poac să bơh làng bol hơ̆ tơnggơs Bơtau Krist, dan Yàng Tom Trồ la Bơtau at bồ hơđang jơh ală bơta, pal geh jòng ro gam sùm sùm. Amen.

I Kôrintô 15:47

Cau sơnròp lik bơh ù la kơmbuh ù, cau bàr tus bơh trồ.

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

II Kôrintô 1:19

Bơh Kòn Yàng Tom Trồ la Yàng Jesu Krist mơ bol hi, hơ̆ la añ mơ Silwan mơ Timôthe, neh bơto yal digùl oh mi, ò di đơs ƀà di ƀà ò; mơya tòm Kơnràñ mìng gơs bơta di lơm.

Galati 2:8

(bơh gơnap gơnoar Yàng Tom Trồ dê neh lơh broă tòm Pier nàng khai lơh gơs cau gơnoar bơto dờng ală cau siat gơltau in, kung lơh broă tòm añ sơl nàng añ lơh gơs cau gơnoar bơto dờng làng bol bơdìh in),

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.

II Tesalônika 2:7

Bơh cau iơh bơsak ndơp ndơr neh lơh broă rau; mơya tŭ do mìng gam dô Bơtau kơryan lơm, tus di tŭ Bơtau hơ̆ geh tă tơlik.

I Timôthe 3:9

mơya pal kơrmap gàr bơta ndơp ndơr bơta dòn dê bal mơ nùs tồr sàng goh.

Hebrơ 1:3

Kòn hơ̆ pơnđàng wơl bơta gơklŏ Yàng Tom Trồ dê, mơ la rùp tòm toh ngan să tòm Yàng Tom Trồ dê. Kòn hơ̆ ai jơnau gơnap gơnoar Kơnràñ dê đo jơh ală phan. Tơnơ̆ mơ tŭ neh lơh sir bơta rào goh glài rau, gen nggui đah ma Yàng Tom Trồ Bơtau Gơnap Gơnoar dờng rlau jơh hơđang trồ,

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 7:7

Cau gơs gơnoar hơđang ai lơngai cau ơm hơđơm in, hơ̆ la jơnau ò pơndang.

Hebrơ 8:1

Tòm ală bơta bol he đơs bơh nti, bơta dờng màng la be do: Bol he gơs dô nă cau gơnoar dờng lam bồ ơn phan duh khoai behơ̆, neh nggui đah ma sơbàn Bơtau ryŭ ryơm hơđang ală tap trồ,

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

I Pier 1:20

Kơnràñ neh geh lơh nền lài mơ tŭ crơng gơs trồ tiah, mơya tus di tŭ tơngai lồi dut do sồng geh ràng tơlik tài bơh ală oh mi.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

I Jang 1:2

bơta kis hơ̆ neh geh ràng tơlik, bol hi neh gŏ mơ lơh cơng, bol hi bơto yal oh mi in bơta kis gam sùm sùm neh ơm bal mơ Yàng Bèp mơ neh geh ràng tơlik bol hi in rau,

I Jang 3:5

Mơya oh mi git lah Kơnràñ neh tơlik să nàng tă sang tồi glài; tòm Kơnràñ ò gơs tồi glài lơi.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

Yal Tơlik 17:5

Di bìng liang khai gơs cih dô nơm sơnđan ndơp ndơr lah: “Babilôn dờng, mè ală cau ùr dri tơlàr mơ mè ală bơta ngkòr ngkàc hơđang ù.”

Yal Tơlik 17:7

Mơya cau gơnrơh đơs mơ añ lah: “Mbe mê ai lơh krơi behơ̆ taih? Añ rơp yal tơlik mê in bơta ndơp ndơr bơh cau ùr mơ bơh phan poan jơng pơdiang khai, la phan poan jơng gơs poh nơm bồ mơ jơt nơm ngke.

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,