I Timôthe 3:1 - Sră Goh 2018

¹ Dilah gơs cau kơp kòñ lơh gơs cau gơnoar bơto, hơ̆ la kòñ dô nơm broă niam, hơ̆ la jơnau nền cê ngan.

I Timôthe 3:1 ပူးပေါင်းရင်းမြစ်များ

Jơnau Pơnđik 11:30

Cồng nha cau song ring la chi bơta kis; Mơya bơta iơh bơsak tơnroh bơta kis.

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Broă 1:20

Bơh tòm sră Đơs Crih neh cih lah: ‘Lòi tiah ơm khai dê gơlik gơs ngềt ngơt, Bañ gơs dô nă cau lơi ơm tềng hơ̆;’ Mơ lah: ‘Lòi gơs dô nă cau ndai dòp gơnoar broă khai dê.’

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Rôma 11:13

Añ đơs mơ oh mi la cau làng bol bơdìh: añ gam la cau gơnoar bơto dờng làng bol bơdìh kàr lơi, gen añ rơp lơh màng ryŭ gơnoar broă añ jê kàr hơ̆,

Ephesô 4:12

tồ lơh cau sàng goh in gơlik gơs wil tơl tòm ală bơta duh broă Yàng Tom Trồ, mơ tòm bơta bơt bơtào să jan Bơtau Krist dê,

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

I Timôthe 4:9

Hơ̆ la jơnau nền cê ngan, pal dòn dòp wil tơl.

II Timôthe 2:11

Jơnau do la nền cê ngan: Dilah bol he neh chơt bal mơ Kơnràñ, gen kung rơp kis bal mơ Kơnràñ sơl;

Sră Pơyoa Pol Dê Pơyoa Tit In 1:7

Bơh cau at bồ hìu Yàng Tom Trồ dê gen pal ò gơs tiah geh lah pơrhơng, ò di lơh be tơl, ò di mhar gơjrañ, ò di tơhìr tơrnòm alak, ò di lơh rhung rhang, ò di hàm hà cồng nha ƀơ̆ ƀơl,

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

I Pier 2:25

Bơh oh mi kung be belàt neh lòt tìs nrah, mơya tŭ do neh rê wơl hơ Bơtau Ê Belàt mơ Bơtau sền gàr hwềng soàn oh mi dê.

I Pier 4:15

Tòm oh mi bañ gơs cau lơi kong bòl glar jê sồt be cau tơnchơt cau, be cau ntung kơñau, be cau lơh tìs bơta boh lam, hala cau lơh be tòm tòm broă cau ndai dê.

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,