I Timôthe 2:9 - Sră Goh 2018

⁹ Kung behơ̆ sơl, añ kòñ ală cau ùr sơmpô să mơ ồi ào dô bă ƀa liă, git jơnau mơ kràñ cê, ò bơka sŏ, ò ngui màh, lŭ kràng màng hala ồi ào kas jền nàng sơmpô să,

I Timôthe 2:9 ပူးပေါင်းရင်းမြစ်များ

Sơnròp Gơlik Gơs 24:53

Khai ai phan ngui mơ priă, mơ màh, mơ ồi ào ai Rebeka in, khai kung ai ală phan màng ai bi klau mơ mè Rebeka in.

II Ală Bơtau 9:30

Tòm tŭ Jehu lòt tus hơ Jejreel, gen Jesebel kơno bơta hơ̆; khai bong muh mat, bơka sŏ, mơ tơnggòr bơh di mpồng dềt.

Este 5:1

Tòm ngai pe Este soh ào jrùh bau ùr bơtau dê mơ ntào tòm ƀlàng hìu dơlam gơlang bơtau dê, di đap ơdŭ pơjum bơyai broă bơtau dê. Cau bơtau ơm nggui hơđang sơbàn khai dê tòm ơdŭ bơyai broă, wèt mat hơ mpồng mut tòm ơdŭ.

Đơs Crih 149:4

Bơh Yàng Jehôwa niam nùs di làng bol Kơnràñ dê; Kơnràñ bơka cau pơndêt să in mơ bơta pha lin.

Jơnau Pơnđik 31:22

Khai lơh is ală ồi tơ̆; ồi ào khai mơ che brài dơmài lơbơn dà gur.

Jơnau Pơnđik 31:25

Khai soh is bơta pràn mơ ryŭ ryơm, Tòm tŭ kơlôi sơnơng bơh tŭ tơngai rơp tus, gen khai ñŏ chò hòp.

Jơnau Pơnđik 7:10

Ne, cau ùr hơ̆ lik lòt rò khai, Bơka să be cau ùr dri, nùs bềng kai gơrmơ̆i.

Esai 3:16

Yàng Jehôwa đơs lah: “Tài bơh ală kòn ùr Siôn dê pơnhừ să, pò jòng ngko mơ lik lòt, lơngoh lơngeh sơrkềng gar mat jà pơndòm. Yuơt să tòm tŭ bol khai cơnđòa lòt, lơh ntas kòng di jơng.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Mathiơ 11:8

Hala ñchi bol mê lik sền taih? Sền cau soh ào kas màng ơ? Ne, ală cau soh ào kas màng gen ơm tòm gơlang bơtau dê.

I Timôthe 2:10

mơya ai broă niam nàng sơmpô să, sồng di pal mơ cau ùr sơnđan is să he la cau ùr duh rngòt di Yàng Tom Trồ.