I Timôthe 2:5 - Sră Goh 2018

⁵ Bơh gơs mìng dô nă Yàng Tom Trồ lơm, mơ gơs mìng dô Bơtau Đơng Kừh ơm digùl Yàng Tom Trồ mơ jơi kòn mơnus, hơ̆ la Yàng Jesu Krist la mơnus.

I Timôthe 2:5 ပူးပေါင်းရင်းမြစ်များ

Sră Jop 9:33

Ò gơs cau lơi cahrña digùl bol he. Ơn tê khai dê hơđang bàr nă bol he.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Mathiơ 1:1

Sơnđan ală ồng pàng Yàng Jesu Krist dê, kòn sau Dabit, kòn sau Abraham dê.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Luka 14:22

Tŭ hơ̆ mo cau dĭ yal lah: ‘Ơ cau tòm, bơta ồng neh sồr, añ neh lơh sir rau, mơya gam gơs tiah.’

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Rôma 1:3

Hơ̆ la Jơnau Niam bơh Kòn Kơnràñ, Yàng Jesu Krist la Yàng bol he dê, jat poac să geh deh bơh jơi bơtiàn Dabit dê,

Rôma 10:12

Bơh digùl cau Juda mơ cau Grek ò gơs bơta lơi cah is, bơh Yàng la Yàng jơh tơl nă cau in, Kơnràñ ai pà tơngkah tơngkañ kòp nă cau hòi dan di Kơnràñ.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Galati 3:20

Cau đơng kừh ò di la cau đơng kừh bơh dô đah lơm ò, mơya Yàng Tom Trồ mìng gơs dùl.

Ephesô 4:6

dô nă Yàng Tom Trồ la Bèp jơh ală cau, Kơnràñ ơm hơđang jơh tơl nă, ơm digùl jơh tơl nă, mơ ơm tòm jơh tơl nă cau.

Yal Wơl 6:4

Ơ Israel, ơm iat tĕ; Jehôwa Yàng Tom Trồ bol he dê la Jehôwa gơs mìng dô nă.

I Timôthe 6:13

Di đap Yàng Tom Trồ la Bơtau ai bơta kis jơh ală phan in mơ di đap Yàng Jesu Krist la Bơtau neh lơh cơng bơh bơta yal tơlik niam di đap Bônsơ Pilat, añ bơto mê kràñ cê,

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Hebrơ 8:6

Mơya tŭ do Yàng Jesu neh gơs gơnoar broă dờng màng rlau, kung be Kơnràñ neh lơh gơs Bơtau Đơng Kừh dô bơta ho bal niam rlau, bơtào hơđang mơnàng ală jơnau ho pơgon niam rlau.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

Yal Tơlik 1:13

mơ digùl ală jơng ồs đèng hơ̆ gơs dô Bơtau gơlơh be Kòn Mơnus, soh ào jrùh tus di mpàng jơng, mơ kơt che màh gùt dar ntơh.