I Timôthe 2:3 - Sră Goh 2018

³ Hơ̆ la bơta niam mơ geh niam nùs Yàng Tom Trồ la Yàng Dong Klàs bol he dê.

I Timôthe 2:3 ပူးပေါင်းရင်းမြစ်များ

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Luka 1:47

Hwềng nùs añ hòn chò tòm Yàng Tom Trồ la Yàng Dong klàs añ jê.

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

I Timôthe 5:4

Mơya dilah cau ùr bơnrau lơi gơs kòn hala sau, gen sơnròp ngan pal lòi bol khai bơtê lơh bơta niam gơwèt mơ hìu nhă tòm khai dê mơ dong kòl wơl mè bèp khai dê, bơh bơta hơ̆ la niam mơ geh dòp di đap Yàng Tom Trồ.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Hebrơ 13:16

Bañ sang lòi bơta lơh niam mơ tòmpà phan he gơs, bơh hơ̆ la kung be phan ơn duh khoai niam nùs Yàng Tom Trồ.

I Pier 2:20

Dilah oh mi lơh tìs, kong cau pù lơh mơ oh mi kong ơt, gen ñchi bơta jòng ro oh mi geh taih? Mơya dilah oh mi lơh niam, mơ kong jai bơta bòl glar jê sồt, gen hơ̆ la bơta nđàc Yàng Tom Trồ ai.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.