I Timôthe 1:9 - Sră Goh 2018

⁹ kung git bơta boh lam ò di geh bơtào cau song ring in, mơya geh bơtào ală cau ò jat bơta boh lam mơ cau tòmdră in, cau ò duh rngòt mơ cau glài, cau ò sàng goh mơ cau jat dunnia, cau tơnchơt mè bèp mơ cau tơnchơt cau in,

I Timôthe 1:9 ပူးပေါင်းရင်းမြစ်များ

II Samuel 16:11

Dabit đơs mơ Abisai mơ jơh ală cau dĭ gơna khai dê lah: “Kòn klau añ la poac mhàm tòm añ mơ kòñ tơnchơt añ, tơ ài lah cau Benjamin do! Lòi tĕ khai, mơ lòi khai srat rma; bơh Yàng Jehôwa neh sồr khai lơh behơ̆.

II Ală Bơtau 19:37

Dô ngai ne, khai duh khoai tòm bơmồng Nisrok, yàng khai dê, gen bàr nă kòn klau khai dê la Adrammelek mơ Sarejer tơnchơt khai mơ đào; gen bol khai dô tòm lơgar Ararat. Esarhatdôn, kòn klau ndai khai dê, pơrdòn sơbàn khai dê.

II Yal Yau 32:21

Mơ Yàng Jehôwa sồr dô nă cau gơnrơh tơnroh jơh ală cau ling bal mơ ală cau at bồ mơ cau kwang duh broă bơtau tòm tiah sàl bơtau Asiri dê. Behơ̆ khai ruc wơl mơ rê hơ lơgar khai dê tòm bơta ƀàssìl ƀàsso. Mơ tòm tŭ khai mut tòm hìu duh khoai yàng khai dê, dô nă tòm ală kòn klau khai dê ai đào sreh tơnchơt khai.

Lik Ejiptơ 20:13

Bol mê bañ tơnchơt cau.

Lik Ejiptơ 21:14

Mơya dilah gơs dô nă cau bơtào kai gơrmơ̆i mơ gơs nùs kòñ tơnchơt dô nă cau ndai, gen kup cèng khai bơh di cơnòng duh khoai Añ jê mơ tơnchơt tĕ khai.

Jơnau Pơnđik 20:20

Ồs đèng cau srat rma mè bèp rơp chơt digùl mang klam jơngo cik.

Jơnau Pơnđik 28:17

Cau gơkòl glài lơh tuh mhàm cau lơi rơp dô tus di bơtô ƀồc; bañ gơs dô nă cau lơi kơryan khai!

Jơnau Pơnđik 28:24

Cau lơi ntung kơñau phan mè bèp he dê, mơ đơs lah: Ò di la tìs glài, cau hơ̆ gơs pơnah bal mơ cau phà tơnroh.

Jơnau Pơnđik 30:11

Gơs dô jơi bơtiàn srat rma bèp he, kung ò ai lơngai mè he in.

Jơnau Pơnđik 30:17

Gar mat dơñŏ tơnhial bèp he, sền òsơp bơta dòn bơr gơwèt mơ mè he, ală kơnđà tòm thòng rơp kwĕ gar mat hơ̆, mơ ală klàng bung rơp sa coh khai.

Jeremi 23:11

Yàng Jehôwa đơs: “Bơh cau gơnoar hwơr mơ cau gơnoar ơn phan duh khoai ò duh rngòt, Tian gơs Añ gŏ bơta iơh bơsak bol khai dê tòm hìu Añ;

Ejekiel 21:25

Ơ ală cau kwang at bồ ƀơ̆ ƀơl mơ iơh bơsak Israel dê, ngai bol mê dê neh tus, tŭ tơngai kong lơh glài neh di rau.’

Lebi 20:9

Dilah cau lơi srat rma bèp hala mè khai dê gen cau hơ̆ pal kong tơnchơt. Khai neh srat rma bèp khai dê hala mè khai dê, mhàm khai rơp tuh wơl hơđang bồ să tòm khai dê.

Mathiơ 10:21

Oh mơ mi rơp bơtào bal nàng kòl tơnchơt, bèp rơp bơtào kòn, ală kòn rơp tòmdră mơ mè bèp mơ tơnchơt bol khai.

Rôma 1:30

đơs joh, jak đơs iơh, gơjrañ kơuềng di Yàng Tom Trồ, sơrdă sơrdơu, pơnhừ să, jòng să, jak jòi jơnau iơh bơsak, ò bài dòn bơr mè bèp,

Rôma 4:13

Tòm tŭ Yàng Tom Trồ ho pơgon mơ Abraham mơ jơi bơtiàn khai in geh pơrdòn lơgar dunnia lơh gơs sre brê ò di bơh bơta boh lam, mơya hơ̆ la tài bơh bơta dòn khai geh kòp la song ring bơh Yàng Tom Trồ.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Rôma 6:14

Bơh tồi glài ò geh at bồ hơđang oh mi tai; bơh oh mi ò di ơm tòm gơnoar bơta boh lam dê, mơya ơm tòm gơnoar bơta nđàc dê.

Galati 3:19

Gen ñchi bơh tài gơs bơta boh lam taih? Yàng Tom Trồ bơtơl bơta boh lam tài bơh ală bơta tìs glài, mơ jơl tus di tŭ cau jơi bơtiàn Abraham dê tus, hơ̆ la Bơtau gơs jơnau ho pơgon. Bơta boh lam geh cèng bơh cau gơnrơh mơ bơh dô nă cau đơng kừh.

Galati 5:18

Mơya dilah oh mi kơnòm di Yàng Hwềng tề lam gen ò ơm tòm gơnoar bơta boh lam dê.

Galati 5:21

ƀoah gơjrañ, bơñul lơmbè, jròk ñô sa, mơ ală bơta ndai ndròm bal behơ̆ sơl. Añ bơto tơngkah oh mi be añ neh bơto rau: Dilah cau lơi tìs tòm ală bơta behơ̆ gen ò geh pơrdòn lơgar Yàng Tom Trồ dê.

Galati 5:23

niam lơnhơn, git kơrhia. Ò gơs bơta boh lam lơi bơkơŭ ală bơta hơ̆.

Yal Wơl 27:16

‘Pal srat sơntơm cau lơi ò dòn duh bèp hala mè khai dê.’ Gen jơh làng bol rơp đơs lah: ‘Amen!’

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

I Timôthe 4:7

Sang tĕ ală jơnau gơlềng gơlàng jat dunnia mơ jơnau bơceh is ală mò kra dê, mơya bơtê is tĕ bơh bơta duh rngòt.

I Timôthe 6:20

Ơ Timôthe, kơrmap gàr tĕ bơta neh jào mê in, pleh tĕ di ală jơnau gơlềng gơlàng ƀơ̆ ƀơl jat dunnia, mơ ală bơta sòdră bơta git jak dê, la bơta git jak mìng gơs sơnđan gòi.

II Timôthe 2:16

Mơya pal pleh tĕ di ală jơnau gơlềng gơlàng ƀơ̆ ƀơl jat dunnia, bơh ală cau đơs jơnau hơ̆ sơlo gơtơntìs tai tòm bơta ò duh rngòt,

II Timôthe 3:2

Bơh cau rơp kòñ gơboh di să tòm he, hàm hà jền priă, jòng să, pơnhừ să, bơrsèl tơnhial, ò dòn bơr mè bèp, ò kah bơta nđàc, ò sàng goh,

Sră Pơyoa Pol Dê Pơyoa Tit In 1:10

Bơh gơs oă cau ò dòn duh, lài ngan la mpồl cau kòñ prap gàr bơta siat gơltau, bol khai jak đơs gơlềng gơlàng mơ la cau blac pơrlồm;

Sră Pơyoa Pol Dê Pơyoa Tit In 1:16

Bol khai đơs lah bol khai git Yàng Tom Trồ, mơya ală broă lơh bol khai dê la pơndang sang Kơnràñ; cau cù kìr di bol khai, bol khai la cau ò dòn bơr mơ ò rgơi lơh dô nơm broă niam lơi.

Sră Pơyoa Pol Dê Pơyoa Tit In 1:6

Cau kwang kra pal la cau ò gơs tiah geh lah pơrhơng, la cau klau gơs mìng dô nă bau ùr lơm, kòn sau kung pal dòn Yàng mơ ò gơkòl cau yă bơh bung jang hala ò dòn bơr.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Hebrơ 11:31

Bơh bơta dòn cau ùr dri Rahap ò roh rui bal mơ ală cau ò dòn bơr, bơh khai neh wă rò dô bă sơrmah sơrmài ală cau lòt rwang sền lơgar.

Hebrơ 12:16

bañ gơs cau lơi tìs glài rềs àr bơrnàn, hala cau jat dunnia be Esau, khai tac gơnoar kòn tơnhoa khai dê, mìng dòp dô nơm phan sa lơm.

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

I Pier 3:20

hơ̆ la ală cau ò dòn bơr tòm rài yau, tòm tŭ Yàng Tom Trồ kong ơt gơn tòm rài Nôe tòm tŭ khai pơng ơhò; tòm ơhò hơ̆ gơs mìng dô êt cau, la phàm nă lơm, geh dong klàs bơh dà.

I Pier 4:18

Mơ “dilah cau song ring kung kalke geh dong klàs, gen ală cau ò duh rngòt mơ ală cau glài rơp gơlik mbe lơi taih?”

Jude 1:15

nàng cahrña, mơ lơh nền glài jơh ală cau ò duh rngòt Yàng Tom Trồ bơh jơh ală broă ò duh rngòt bol khai dê, mơ bơh jơh ală jơnau tràl sơrbil mơ cau glài ò duh rngòt neh đơs tòmdră mơ Kơnràñ.”

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.