I Timôthe 1:4 - Sră Goh 2018

⁴ đơs tĕ bol khai in bañ iat ală jơnau gơlềng gơlàng mơ ală jơnau jòi yau jat jơi ò lồi, la ală jơnau lơh gơlik bơta tòm pơndang bal mơya ò kwơ tòm broă at bồ hìu Yàng Tom Trồ dê tòm bơta dòn.

I Timôthe 1:4 ပူးပေါင်းရင်းမြစ်များ

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

Ephesô 3:2

ngan oh mi neh kơno bơh gơnoar broă bơta nđàc Yàng Tom Trồ dê neh jào añ in nàng duh broă oh mi,

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Timôthe 4:7

Sang tĕ ală jơnau gơlềng gơlàng jat dunnia mơ jơnau bơceh is ală mò kra dê, mơya bơtê is tĕ bơh bơta duh rngòt.

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

I Timôthe 6:20

Ơ Timôthe, kơrmap gàr tĕ bơta neh jào mê in, pleh tĕ di ală jơnau gơlềng gơlàng ƀơ̆ ƀơl jat dunnia, mơ ală bơta sòdră bơta git jak dê, la bơta git jak mìng gơs sơnđan gòi.

II Timôthe 2:14

Hơ̆ la bơta mê pal tơngkah bol khai in mơ bơto kràñ cê bol khai in di đap Yàng lah bañ tòm pơndang bơh jơnau đơs, bơh bơta hơ̆ la ò kwơ, mìng gơlơh iơh di cau iat.

II Timôthe 2:22

Kung pleh tĕ dê nùs hàm kòñ is cau kơnòm să dê, nàng jòi jat bơta song ring, bơta dòn, bơta kòñ gơboh mơ bơta ring lơngai mơ dô nùs bal mơ ală cau gơs nùs sàng goh hòi dan mơ Yàng dong kòl.

II Timôthe 2:23

Tòmdră tĕ mơ ală jơnau tòm pơndang bơrngơl gơla ò kwơ bơh git lah ală bơta hơ̆ mìng gơlik gơs bơta tòmpìt tòmhà lơm.

II Timôthe 4:4

sềt tồr ò bài iat jơnau song, mơ wèt tồr hơ đah jơnau gơlềng gơlàng.

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

Sră Pơyoa Pol Dê Pơyoa Tit In 1:14

ò di iat jơnau gơlềng gơlàng cau Juda dê, mơ bơta sồr lam kòn mơnus la cau pơrlac sang jơnau song.

Sră Pơyoa Pol Dê Pơyoa Tit In 3:9

Mơya pal pleh di ală bơta tòm pơndang tùl gơla, ală jơnau jòi yau jat jơi, ală bơta pơndang mơ tòm pơndang bal bơh bơta boh lam, bơh ală bơta hơ̆ la ò kwơ mơ roh lơm.

Hebrơ 13:9

Bañ lòi ală bơta bơto sồr krơi ndai cèng pơrdô oh mi. Hơ̆ la niam tồ dòp geh nùs kơ̆ wền kơnòm di bơta nđàc Yàng Tom Trồ dê, ò di kơnòm di bơta sồr lam bơh phan sa, la bơta ò kwơ ală cau in jat bơta hơ̆.

II Pier 1:16

Tòm tŭ bol hi yal oh mi in git bơh gơnap gơnoar mơ bơta tus wơl Yàng Jesu Krist bol he dê, gen bol hi ò jat jơnau gơlềng gơlàng bơh dơngoh kơlôi cau dê, mơya mat tòm bol hi dê neh gŏ bơta ryŭ ryơm Kơnràñ dê.