I Timôthe 1:12 - Sră Goh 2018

¹² Añ ưnngài Krist Jesu la Yàng bol he dê, Bơtau neh ai bơtơl pràn añ in, bơh Kơnràñ neh sơwì nền añ la cau dòn song, bơtào añ lơh gơnoar broă do;

I Timôthe 1:12 ပူးပေါင်းရင်းမြစ်များ

Mathiơ 20:4

gen đơs mơ bol khai lah: ‘Bol mê kung mut tĕ tòm suơn ño, mơ añ rơp ai jền tơngai di pal bol mê in.’ Bol khai lòt mo.

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Broă 9:15

Mơya Yàng đơs lah: “Lòt tĕ, bơh khai la dô nơm phan ngui Añ neh sac rwah nàng cèng sơnđan Añ di đap ală làng bol bơdìh, ală cau bơtau mơ ală kòn sau Israel dê.

Broă 9:22

Mơya Sol sơlo gơbơtơl pràn kơldang tòm pơndang mơ ală cau Juda ơm tòm Damas, mơ lơh cơng nền lah Yàng Jesu la Bơtau Krist.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

I Kôrintô 7:25

Bơh đah cau gam ơruh añ ò gơs jơnau sồr bơh Yàng; mơya añ yal tơlik bơta kơlôi añ jê, be dô nă cau neh geh Yàng kòñ nđàc, nàng lơh gơs cau di pal dòn kơnòm.

II Kôrintô 4:1

Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Philip 2:11

mơ kòp nơm lơmpiat rơp yal tơlik Jesu Krist la Yàng nàng lơh gơklŏ Yàng Tom Trồ la Bèp.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Kôlôse 1:25

Añ kung neh geh lơh gơs cau gơnoar duh broă Hìu Jum Goh hơ̆ dê, jat be gơnoar broă mơ Yàng Tom Trồ neh ai añ in tài bơh oh mi, nàng yal tơlik wil tơl jơnau Yàng Tom Trồ dê,

I Timôthe 1:1

Pol la cau gơnoar bơto dờng bơh Yàng Krist Jesu, jat gơnoar sồr Yàng Tom Trồ dê la Yàng Dong Klàs bol he, mơ Yàng Krist Jesu dê la bơta gơn kơnòm bol he dê,

I Timôthe 1:11

jat be Jơnau Niam gơklŏ Yàng Tom Trồ dê la Bơtau pal jòng ro neh jào añ in.

I Timôthe 1:2

pơyoa Timôthe in la kòn tòm añ jê tòm bơta dòn: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê!

I Timôthe 6:13

Di đap Yàng Tom Trồ la Bơtau ai bơta kis jơh ală phan in mơ di đap Yàng Jesu Krist la Bơtau neh lơh cơng bơh bơta yal tơlik niam di đap Bônsơ Pilat, añ bơto mê kràñ cê,

II Timôthe 2:2

Ală bơta mê neh kơno bơh añ di đap oă cau lơh cơng, jào tĕ ală cau di pal gơn kơnòm in, la ală cau chài rgơi bơto sồr cau ndai.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Sră Pơyoa Pol Dê Pơyoa Tit In 1:4

Añ pơyoa Tit in, la kòn tòm añ jê tòm bơta dòn bal: Dan mê in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng Dong Klàs bol he dê.

Philemôn 1:9

mơya tài bơh nùs kòñ gơboh chan añ rac dan la niam rlau. Mơ añ la Pol cau gơnoar ala mat Bơtau Krist dê, mơ tŭ do tài bơh Yàng Krist Jesu mơ kong ơm jàm.