I Tesalônika 5:4 - Sră Goh 2018

⁴ Mơya, ơ oh mi, oh mi ò di ơm tòm bơta klam jơngo ò, tian gơs ngai hơ̆ nisơna gơtơntus hơđang oh mi be cau kơñau.

I Tesalônika 5:4 ပူးပေါင်းရင်းမြစ်များ

Jeremi 42:16

gen pềs tà mơ bol mê rngòt rngơt rơp ting bàn bol mê tòm lơgar Ejiptơ; bơta jơgloh rung mơ bol mê cù kìr kung rơp ting jat bol mê tòm lơgar Ejiptơ, mơ bol mê rơp chơt tềng hơ̆.

Sră Ôse 10:9

Ơ Israel, bơh di ală ngai Gibea mê neh tìs glài, mơ tềng hơ̆ bol khai gam pơnjat sùm; ò di bơta kơlìn neh tòmpìt sơmbrơt bol khai tòm Gibea ò ơ?

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Yal Wơl 19:6

Dilah ò behơ̆, cau sal tê bơh mhàm rgơi ting jat bàn khai tài bơh bơta gơjrañ, dilah gùng ntoat dô la ngài ngan, mơ tơnchơt khai bulah khai ò di pal kong tơnchơt, tài bơh khai lơh bơta hơ̆ ò di bơh nùs kơlôi lài kòñ tơnchơt.

Yal Wơl 28:15

Mơya dilah bol mê ò dòn bơr Jehôwa Yàng Tom Trồ bol mê dê mơ ò kơrhia lòt jat jơh ală jơnau sồr mơ bơta lơh nền Kơnràñ dê mơ añ ai bol mê in tòm ngai do, gen jơh ală jơnau srat sơntơm do rơp tus hơđang bol mê mơ kup sơmbat bol mê:

Yal Wơl 28:45

Jơh ală jơnau srat sơntơm do rơp dùh hơđang bol mê. Bol gơ rơp ting jat bol mê mơ bàn bol mê jơl tus di tŭ bol mê neh kong tơnroh jơh, tài bơh bol mê neh ò dòn bơr Jehôwa Yàng Tom Trồ bol mê dê mơ prap gàr lơh jat ală jơnau gơnoar sồr mơ ală bơta lơh nền mơ Kơnràñ neh ai bol mê in.

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

I Tesalônika 5:2

bơh să tòm oh mi git loh ngan lah ngai Yàng dê rơp tus be cau kơñau tòm trồ mang.

II Pier 3:10

Mơya ngai Yàng dê rơp tus be dô nă cau kơñau. Tŭ hơ̆ ală tap trồ rơp gơs jơnau ntas nggồr ur mơ roh, jơh ală bơta rơp kong ồs sa lề jơh, plai ù mơ ală broă lơh hơđang gơ rơp kong chu jơh.

I Jang 2:8

Bulah behơ̆ añ kung cih oh mi in dô bơta sồr lam pa, la bơta song ngan tòm Yàng Jesu Krist mơ tòm oh mi sơl, tài bơh bơta klam jơngo neh roh rau, mơ bơta àng ngan neh sòl pơnđàng.

Yal Tơlik 16:15

“Do, añ tus be cau kơñau. Lơngai cau lơi in drơng kơp mơ rcang ồi ào he dê, rngòt khai ơm kuh lòi rồ mơ lòt, mơ ò kòl cau gŏ bơta ƀàssìl ƀàsso khai dê!”

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.