I Tesalônika 4:3 - Sră Goh 2018

³ Bơh nùs kòñ Yàng Tom Trồ dê, hơ̆ la oh mi gơlik gơs sàng goh, bañ tìs glài rềs àr bơrnàn.

I Tesalônika 4:3 ပူးပေါင်းရင်းမြစ်များ

Đơs Crih 143:10

Dan bơto añ lơh jat nùs kòñ Yàng dê, Bơh Kơnràñ la Yàng Tom Trồ añ jê; Dan Hwềng Goh Yàng dê tề lam añ tòm gùng ring drik.

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Lebi 15:18

Tòm tŭ dô nă cau klau bic mơ dô nă cau ùr mơ gơlik jat òs gơ dê gen jơh bàr nă pal um mơ dà, mơ bol khai gơlik ò goh jơl tus di trồ mho.

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Mathiơ 5:32

Mơya Añ đơs mơ bol mê, dilah cau lơi lòi bau ùr he, ò di bơh glài rềs àr bơrnàn, gen lơh bau he in gơlik gơs cau bơrnàn; ai cau lơi bau mơ cau ùr neh cau lòi hơ̆, gen kung tìs glài bơrnàn sơl.”

Mathiơ 7:21

“Ò di kòp nă cau đơs mơ Añ lah: ‘Khoai Yàng, khoai Yàng,’ gen geh mut tòm lơgar đang trồ ò, mơya mìng cau lơi lơh jat nùs kòñ Bèp Añ jê ơm hơđang trồ.

Jơnau Niam Jat Mak 3:35

Bơh cau lơi lơh jat nùs kòñ Yàng Tom Trồ dê, cau hơ̆ la oh mi, ruh lŏ mơ mè Añ jê.”

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Broă 15:29

Pal wèr phan duh khoai rùp ràk, mhàm, phan chơt rhwat, mơ bañ tìs glài rềs àr bơrnàn. Dilah oh mi kơrmap gàr să he ò lơh bơta hơ̆ la niam. Ơm ngac yơ.”

Broă 20:32

Tŭ do, añ jào oh mi Yàng Tom Trồ in mơ tòm jơnau bơta nđàc Kơnràñ dê sơl, la jơnau rgơi bơt bơtào mơ ai sre brê oh mi in bal mơ jơh ală cau neh gơlik gơs sàng goh.

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 1:29

Bol khai bềng lìu jơh ală bơta ò song ring, iơh bơsak, hàm hà, bih khih, bềng nùs ƀoah gơjrañ, tơnchơt cau, tòmpìt tòmhà, lac lèo, iơh rmơh,

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 7:2

Mơya tài bơh rngòt di bơta rềs àr bơrnàn, gen kòp nă cau klau pal gơs bau ùr, mơ kòp nă cau ùr kung pal gơs bau klau.

II Kôrintô 12:21

Kung rngòt lah dơ̆ añ lòt tus, gen Yàng Tom Trồ añ jê lơh añ in ƀàssìl bơh oh mi, mơ añ pal moat jrùng bơh oă cau neh tìs glài lài òr, mơ ò bài gơjrañ sang glài bơh bơta ngkòr ngkàc, rềs àr bơrnàn, bung jang mơ bol khai neh tìs.

Galati 5:19

Ală broă poac să dê la loh làng be do: Hơ̆ la rềs àr bơrnàn, ngkòr ngkàc, bung jang,

Ephesô 5:17

Gen tàng bañ tùl gơla, mơya pal git wă nùs kòñ Yàng dê la mbe lơi.

Ephesô 6:6

ò di jat bơta duh broă tòm mat, be cau jòi bơta lơh niam nùs cau, mơya be cau dĭ gơna Bơtau Krist dê, jơh nùs lơh jat nùs kòñ Yàng Tom Trồ dê.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Tesalônika 4:2

Bơh oh mi git bơta bơto sồr lơi mơ bol hi neh ai oh mi in tòm gơnap gơnoar Yàng Jesu dê.

I Tesalônika 4:4

Kòp nă tòm oh mi pal git kơrmap gàr să he tòm bơta gơlik gơs sàng goh mơ màng ryŭ,

I Tesalônika 5:18

Bulah tòm broă lơi kung pal ưnngài Yàng Tom Trồ, bơh nùs kòñ Yàng Tom Trồ dê tòm Yàng Krist Jesu gơwèt mơ oh mi la behơ̆.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

II Tesalônika 2:13

Ơ oh mi kòñ gơboh Yàng dê, bol hi pal bơh oh mi mơ ưnngài Yàng Tom Trồ sùm sùm tài bơh Yàng Tom Trồ neh sac rwah oh mi, bơh sơnròp nàng oh mi geh dong klàs tòm bơta gơlik gơs sàng goh bơh Yàng Hwềng mơ bơh bơta dòn jơnau song.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 10:36

Bơh oh mi pal kong jai, nàng tus di tŭ neh lơh wil tơl nùs kòñ Yàng Tom Trồ dê rau, gen rơp dòp geh bơta neh ho pơgon.

Hebrơ 12:16

bañ gơs cau lơi tìs glài rềs àr bơrnàn, hala cau jat dunnia be Esau, khai tac gơnoar kòn tơnhoa khai dê, mìng dòp dô nơm phan sa lơm.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Hebrơ 13:4

Tơl nă cau pal sền dờng màng bơta tòmbau, bañ lơh ƀơ̆ ƀơl ơdŭ tòmbau; bơh Yàng Tom Trồ rơp cahrña ală cau rềs àr bơrnàn mơ ală cau dri tơlàr.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.

I Jang 2:17

Dunnia bal mơ bơta hàm kòñ is gơ dê gơ rơp roh, mơya cau lơi lơh jat nùs kòñ Yàng Tom Trồ dê gen gam gơs sùm sùm.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.