I Tesalônika 3:3 - Sră Goh 2018

³ tồ ò gơs dô nă cau lơi lơnggơr bơh ală bơta jê sồt bòl glar hơ̆. Bơh să tòm oh mi git lah neh lơh nền lài bol he in kong bơta hơ̆.

I Tesalônika 3:3 ပူးပေါင်းရင်းမြစ်များ

Sră Jop 23:14

Bơh Kơnràñ rơp lơh wil tơl ală bơta Kơnràñ neh lơh nền añ in, Mơ oă bơta be do tòm nùs Kơnràñ dê.

Đơs Crih 112:6

Cau song ring ò gơs tŭ lơi wañ lơnggơh; Bol khai rơp geh cau kah wơl sùm sùm.

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 2:25

Bơh Dabit neh đơs bơh Kơnràñ lah: ‘Añ òs gŏ Yàng sùm di đap añ, Bơh Kơnràñ ơm đah ma añ, tồ añ in ò wañ lơnggơh dô êt lơi.

Broă 21:11

Khai tus còp bol hi, gen ai che but Pol dê, cap jơng tê tòm khai dê mơ đơs lah: “Do la jơnau Yàng Hwềng Goh đơs: ‘Tòm Jerusalem cau Juda rơp cap cau gơs che but do behơ̆, mơ bơtào khai tòm tê cau làng bol Bơdìh.’”

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Broă 9:16

Añ kung rơp ai khai in git oă bơta jê sồt khai pal kong bơh sơnđan Añ.”

Rôma 5:3

Ò di mìng behơ̆ lơm ò, mơya bol he kung jòng să tòm bơta jê sồt bòl glar sơl, bơh git lah bơta jê sồt bòl glar tơnggơs bơta kơ̆ nùs,

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

I Kôrintô 4:9

Bơh añ kơlôi lah Yàng Tom Trồ neh ràng tơlik bol hi la ală cau gơnoar bơto dờng gơlik gơs cau lồi dut, kung be cau glài pal kong chơt; bơh bol hi gơlik gơs phan dơñŏ tơnhial di đap dunnia, cau gơnrơh mơ kòn mơnus sơl.

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

Philip 1:28

mơ tòm broă lơi ò lòi cau sò tơm lơh he in rngòt, mơya khin cha tĕ. Bơta hơ̆ la dô nơm cơng tàng loh làng lah bol khai pal roh rui, mơya ală oh mi gen geh dong klàs, mơ bơta hơ̆ tus bơh Yàng Tom Trồ la Bơtau ai oh mi in bơta pha lin rlau.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

I Tesalônika 5:9

Bơh Yàng Tom Trồ ò di lơh nền lòi bol he kong bơta gơjrañ dờng ò, mơya tồ dòp geh bơta dong klàs bơh Yàng Jesu Krist bol he dê,

II Tesalônika 1:4

tian gơs să tòm bol hi kung bơh oh mi mơ jòng să tòm ală Hìu Jum Goh Yàng Tom Trồ dê, bơh bơta ơt ơl mơ bơta dòn oh mi dê tòm jơh ală bơta kup kơryan mơ bơta jê sồt bòl glar mơ oh mi gam kong.

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

I Pier 2:21

Oh mi neh geh hòi sac tus hơ bơta hơ̆, tài bơh Bơtau Krist kung neh kong bòl glar jê sồt ala oh mi nàng lòi wơl ală oh mi in dô nơm krơh, tồ ală oh mi lòt jat tềl jơng Kơnràñ dê.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.