I Tesalônika 2:3 - Sră Goh 2018

³ Bơh bơta bơto pơndòm bol hi dê ò di bơh bơta tìs, hala bơh bơta ngkòr ngkàc, kung ò di jat bơta lac lèo.

I Tesalônika 2:3 ပူးပေါင်းရင်းမြစ်များ

Khà Làng Bol 16:15

Gen Môise gơhào gơjrañ ngan mơ đơs mơ Yàng Jehôwa lah: “Dan Yàng bañ dòp phan ơn duh khoai bol khai dê. Añ ò dòp phan lơi bơh di bol khai, bulah dô nơm alàng kung ò sơl, añ kung ò lơh iơh di dô nă cau lơi tòm bol khai.”

Broă 13:15

Tòm tŭ sir sền sră bơta boh lam mơ sră ală cau gơnoar hwơr, ală cau at bồ hìu jum sồr cau đơs mơ bol khai lah: “Ơ oh mi, dilah gơs jơnau lơi bơto tơngkah làng bol, dan đơs tĕ.”

Broă 4:36

Behơ̆ gơs dô nă cau Lebi, deh tòm Ciprus, sơnđan khai la Jôsep, ală cau gơnoar bơto dờng sơnđan khai la Banaba, (geh gơtha la kòn klau bơta pơndòm pơniang dê),

II Kôrintô 11:13

Bơh ală cau hơ̆ la cau gơnoar bơto ma blac, la cau lơh broă pơrlồm, lơh tànggơ be cau gơnoar bơto dờng Bơtau Krist.

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

II Kôrintô 6:8

bulah gơs bơta gơklŏ hala bơta ƀàssìl, bulah gơs tiơng pơnro iơh hala niam. Sền be cau pơrlồm mơya la cau song ngan;

II Kôrintô 7:2

Pò tĕ nùs oh mi dê bol hi in; bol hi ò lơh tìs di cau lơi, ò lơh iơh di cau lơi, ò rồn bơklơn cau lơi.

I Tesalônika 2:11

Oh mi kung git mbe lơh bol hi gơwèt mơ kòp nă cau tòm oh mi be bèp mơ kòn.

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

II Tesalônika 2:11

Tài behơ̆ mơ Yàng Tom Trồ jào phi bol khai tòm bơta bơto tìs nrah, nàng lơh bol khai dòn bơta ma blac,

II Pier 1:16

Tòm tŭ bol hi yal oh mi in git bơh gơnap gơnoar mơ bơta tus wơl Yàng Jesu Krist bol he dê, gen bol hi ò jat jơnau gơlềng gơlàng bơh dơngoh kơlôi cau dê, mơya mat tòm bol hi dê neh gŏ bơta ryŭ ryơm Kơnràñ dê.

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”