I Tesalônika 2:2 - Sră Goh 2018

² Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

I Tesalônika 2:2 ပူးပေါင်းရင်းမြစ်များ

Broă 14:3

Bulah behơ̆, Pol mơ Banaba ơm wơl tềng hơ̆ jŏ ngai, mơ bơto yal bơh Yàng dô bă khin cha, mơ Yàng ngui tê bol khai lơh gơs ală bơta krơi tềl is, nàng lơh cơng di ngan jơnau bơta nđàc Kơnràñ dê.

Broă 14:5

Tŭ hơ̆, ală cau làng bol bơdìh mơ cau Juda bal mơ ală cau kwang bol khai dê jòi kai lơh iơh mơ cơm lŭ di bàr nă cau gơnoar bơto dờng,

Broă 16:12

Bơh tềng hơ̆, bol hi lòt tus hơ Philip la ƀòn dờng sơnròp tòm càr Masedoan, gơrê bal mơ lơgar Rôma. Bol hi ơm tềng hơ̆ dô êt ngai.

Broă 16:19

Tòm tŭ ală cau tòm khai dê gŏ ò gam gơn kơnòm jòi geh cồng nha tai, gen kup Pol mơ Sila hwài tus hơ ƀlàng drà di đap ală cau kwang,

Broă 16:37

Mơya Pol đơs mơ bol khai lah: “Bol hi la làng bol Rôma, tòm tŭ òhềt lơh nền glài gen bol khai neh pù lơh bol hi di đap ƀòn lơgar, lồc behơ̆ krơ̆ tòm hìu jàm; mơ tŭ do kòñ tơlik òm bol hi ơ? Ò di behơ̆. Să tòm bol khai pal lòt tus hơ do nàng hồ bol hi.”

Broă 17:1

Pol mơ Sila lòt gan di Amphipôlis mơ Apôlôni, lồc behơ̆ lòt tus hơ Tesalônika, tềng hơ̆ gơs dô nơm hìu jum cau Juda dê.

Broă 17:17

Behơ̆, khai tòmbơyai bal mơ cau Juda tòm hìu jum cau Juda, bal mơ làng bol bơdìh duh khoai Yàng Tom Trồ, mơ ală cau lòt cau rê tòm ƀlàng drà kòp ngai.

Broă 19:8

Pol mut tòm hìu jum cau Juda, tòm pe kơnhai bơto yal dô bă khin cha, bơto bơyai mơ bơto pơndòm ală bơta bơh lơgar Yàng Tom Trồ dê.

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 4:20

Bơh bol hi ò rgơi ò đơs bơh ală bơta he neh gŏ mơ kơno.”

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

Kôlôse 2:1

Ngan behơ̆, añ kòñ oh mi git añ jơh pràn lơh broă bơh oh mi, mơ bơh ală cau ơm tòm Laodise in, mơ bơh jơh ală cau òhềt gŏ mat añ đah poac să,

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.