I Samuel 6:21 - Sră Goh 2018

²¹ Gen bol khai sồr cau kong sồr lòt tus hơ cau ơm tòm Kiriat Jearim mơ đơs lah: “Làng bol Philistin neh cèng wơl Đài Yàng Jehôwa dê. Mù tĕ cèng gơ tus hơ tiah bol mê dê.”

I Samuel 6:21 ပူးပေါင်းရင်းမြစ်များ

II Samuel 6:2

Dabit mơ jơh ală cau ơm bal mơ khai lik lòt bơh Baale gơrê mơ Juda nàng cèng brê Đài Bơta Ho Bal Yàng Tom Trồ dê bơh tềng hơ̆, la đài geh tơmoh jat sơnđan Yàng Jehôwa Gơnap Gơnoar Dờng Làm Jơh, la Bơtau nggui hơđang ceruƀim.

Đơs Crih 78:60

Kơnràñ sang lòi hìu ơm Kơnràñ dê tòm Silô, Hơ̆ la sàl Kơnràñ neh ơm digùl jơi kòn mơnus.

Jeremi 26:20

Mơ kung gơs dô nă cau ndai tai neh ai sơnđan Yàng Jehôwa mơ đơs hwơr: hơ̆ la Uria, kòn klau Semayah, ơm tòm Kiriat Jearim. Khai kung đơs hwơr tòmdră mơ ƀòn mơ lơgar do tòm toh be ală jơnau Jeremi dê.

Jeremi 7:12

‘Behơ̆ tŭ do, lòt tus tĕ hơ tiah ơm yau Añ jê tòm Silô, tềng hơ̆ Añ neh ơn sơnđan Añ dơ̆ sơnròp, mơ sền gŏ ñchi Añ neh lơh gơ in, tài bơh bơta iơh bơsak làng bol Israel Añ jê.’

Jeremi 7:14

gen tàng Añ rơp lơh hìu do, hơ̆ la hìu geh hòi bơh sơnđan Añ, la hìu mơ bol mê gơn kơnòm, mơ tiah Añ neh ai bol mê in bal mơ ồng pàng bol mê in, kung be Añ neh lơh Silô.

Jôsue 15:60

Kiriat Baal (hơ̆ la Kiriat Jearim), mơ Rabah: Bàr nơm ƀòn dờng bal mơ ală ƀòn dềt bol gơ dê.

Jôsue 15:9

Nhàr bơh bồ mơnơm hơ̆ tus di croh dà Nepthôah, mơ bơh tềng hơ̆ tus hơ ală ƀòn dờng mơnơm Eprôn dê mơ mù tus hơ nhàr Baalah (hơ̆ la Kiriat Jearim).

Jôsue 18:14

Bơh mơnơm di đap Bet Hôrôn đah mattơngai mut, nhàr lơgar gơwèt wơl đah đơm, gơ lòt jat đah mattơngai mut mơ tus di Kiriat Baal (hơ̆ la Kiriat Jearim), la dô nơm ƀòn dờng gơrê bal mơ làng bol Juda. Hơ̆ la nhàr đah mattơngai mut.

Jôsue 9:17

Behơ̆ cau Israel ñă lòt gùng tòm pe ngai mơ tus hơ ală ƀòn dờng bol hơ̆ dê la Gabaôn, Kephirah, Beerôt mơ Kiriat Jearim,

Ală Kwang Cahrña 18:12

Tòm gùng lòt bol khai dê, bol khai lơh sàl rềp Kiriat Jearim tòm Juda. Tài behơ̆ tàng tiah đah mattơngai mut Kiriat Jearim geh sơnđan la Mahaneh Dan jơl tus di ngai do.