I Samuel 6:19 - Sră Goh 2018

¹⁹ Kòn sau Jekônia dê ò hòn chò bal mơ làng bol tòm Bet Semes, tòm tŭ bol khai wă rò Đài Yàng Jehôwa dê, mơ Kơnràñ tơnchơt poh jơt nă cau klau tòm bol khai, tài bơh bol khai neh sền tòm dơlam Đài Yàng Jehôwa dê. Làng bol ñìm rac tài bơh bơta lơh glài kơnjơ̆ Yàng Jehôwa dê gơwèt mơ bol khai.

I Samuel 6:19 ပူးပေါင်းရင်းမြစ်များ

II Samuel 6:7

Bơta gơjrañ Yàng Jehôwa dê neh hìt tòmdră mơ Uja; mơ Yàng Tom Trồ lơh glài khai tài bơh khai neh ƀư tê khai di Đài; mơ khai chơt tềng hơ̆ di gah Đài Yàng Tom Trồ dê.

II Yal Yau 25:21

Behơ̆ Jôas bơtau Israel brồ lơh. Khai mơ Amajiah bơtau Juda tìp tòm toh mat tòm Bet Semet gơrê mơ Juda.

Lik Ejiptơ 19:21

Gen Yàng Jehôwa đơs mơ khai lah: “Mù tĕ mơ bơto tơnggit làng bol in nàng bol khai ò pơnđơl să tus rềp nàng sền Yàng Jehôwa mơ oă cau tòm bol khai pal chơt roh.

Lik Ejiptơ 33:4

Tòm tŭ làng bol kơno ală jơnau moat jrùng do, gen bol khai sơntòm ñìm rac pơt wòl, ò gơs cau lơi dò wan ală phan bơka să.

Khà Làng Bol 1:51

Tŭ lơi Hìu Duh Khoai pal cèng lòt gen ală cau Lebi pal tă tơmù gơ, mơ tŭ lơi Hìu Ing Duh Khoai pal bơtào wơl gen ală cau Lebi pal lơh bơta hơ̆. Cau lơi ndai lòt tus rềp gen pal kong tơnchơt.

Khà Làng Bol 4:15

Tơnơ̆ mơ tŭ Arôn mơ ală kòn klau khai dê neh sir jơm tiah sàng goh mơ ală phan ngui sàng goh sir rau, tŭ hơ̆ sàl ơm neh rcang sir nàng tă cèng, ală cau Kôhat pal tus nàng tùng ală phan do. Mơya bol khai ò di ƀư ală phan sàng goh rngòt bol khai pal kong chơt mòn. Ală cau Kôhat pal tùng ală phan tòm Sàl Tòm Mat.

Khà Làng Bol 4:18

“Bañ lòi jơi bơtiàn Kôhat gơkòl tơnroh bơh digùl jơi bơtiàn Lebi.

Khà Làng Bol 4:20

Mơya cau Kôhat ò geh mut tòm dơlam nàng sền gŏ ală phan sàng goh, bulah la mìng sền gŏ tòm dô ơthoa lơm, lơh behơ̆ gen bol khai rơp chơt.”

Yal Wơl 29:29

Ală bơta ndơp ndơr gơrê bal mơ Jehôwa Yàng Tom Trồ bol he dê, mơya ală bơta neh ràng tơlik gơrê bal mơ bol he mơ kòn sau bol he dê gam sùm sùm, tồ bol he lơh jat jơh ală jơnau neh cih tòm bơta boh lam do.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?