I Samuel 31:3 - Sră Goh 2018

³ Bơta kơlìn gơrềt pràn ngan gùt dar Sol; ală cau ling pañ àtak gŏ khai, mơ bol khai pañ di di Sol lơh khai in sồt kơnjơ̆ ngan.

I Samuel 31:3 ပူးပေါင်းရင်းမြစ်များ

Sơnròp Gơlik Gơs 49:23

Cau pañ àtak neh sò tơm di khai pràn ngan, Pañ khai mơ kam, mơ rồn bơklơn.

II Samuel 1:4

Dabit đơs mơ khai lah: “Mbe broă neh gơlik gơs? Yal tĕ añ in git!” Khai yal lah: “Ală cau ling neh dô bơh tiah tòmlơh, mơ kung gơs oă cau neh gơpừ chơt. Sol mơ Jônathan kòn klau khai dê kung neh chơt sơl.”

II Samuel 1:6

Cau pơnu ho lah: “Tòm tŭ añ ơm hơđang mơnơm Gilbôa, tŭ hơ̆ añ gŏ Sol sơnđìng să khai di ngkơr tà khai dê, gơs ală rơndeh lòs tòmlơh mơ ală cau ling hào ơseh ting jat mòr bàn khai.

II Samuel 21:12

gen khai lòt tus hơ làng bol Jabe tòm Galaat, ai ntìng ƀồc Sol mơ Jônathan, kòn klau Sol dê. (Bol hơ̆ neh cèng òm bol khai bơh Betsan, la tiah cau Philistin yồng bol khai tơnơ̆ mơ tŭ bol khai neh tơnchơt Sol hơđang Gilbôa.)

I Ală Bơtau 22:34

Mơya gơs dô nă cau nisơna wàr àtak pañ di bơtau Israel, di digùl ngkàp ào lòs mơ ntơh khai. Bơtau đơs mơ ală cau at rơndeh khai dê lah: “Tơrwơl tĕ, mơ cèng añ lik hơ bơdìh tiah tòmlơh, bơh añ neh sồt kơnjơ̆.”

Amôs 2:14

Cau ntoat dô roh rui bơh bơta sơrbac sơrbang, cau pràn kơldang rơp ò prap bơta pràn he dê, mơ cau gơnoar pràn rơp ò dong klàs bơta kis bol khai dê.