I Samuel 31:2 - Sră Goh 2018

² Cau Philistin ting jat tơnơ̆ Sol mơ ală kòn klau khai dê, cau Philistin tơnchơt Jônathan, Abinadap mơ Malkisua la ală kòn klau Sol dê.

I Samuel 31:2 ပူးပေါင်းရင်းမြစ်များ

II Samuel 1:6

Cau pơnu ho lah: “Tòm tŭ añ ơm hơđang mơnơm Gilbôa, tŭ hơ̆ añ gŏ Sol sơnđìng să khai di ngkơr tà khai dê, gơs ală rơndeh lòs tòmlơh mơ ală cau ling hào ơseh ting jat mòr bàn khai.

II Ală Bơtau 25:7

Bol khai tơnchơt ală kòn klau Jedekia di đap mat khai; bol khai kơlwĕ mat Jedekia, kơt khai mơ sreng kòng, mơ cèng khai tus hơ Babilôn.

I Yal Yau 10:2

Cau Philistin ting jat Sol mơ ală kòn klau khai dê, mơ bol khai tơnchơt Jônathan, Abinadap mơ Malkisua la ală kòn klau Sol dê.

I Yal Yau 8:33

Ner la bèp Kis, Kis la bèp Sol, mơ Sol la bèp Jônathan, Malkisua, Abinadap mơ Es Baal.

I Yal Yau 9:39

Ner la bèp Kis, Kis la bèp Sol mơ Sol la bèp Jônathan, Malkisua, Abinadap mơ Es Baal.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

I Samuel 13:16

Sol mơ Jônathan kòn klau khai dê mơ ală cau klau ơm bal mơ bol khai ơm wơl tòm Gibea kơnhwàl Benjamin, mơ cau Philistin lơh sàl tòm Mikmas.

I Samuel 13:2

Sol sac rwah pe rbô nă cau klau Israel; bàr rbô nă ơm mơ khai tòm Mikmas mơ tòm ù tiah kơh mơnơm Betel dê, mơ dô rbô nă ơm mơ Jônathan tòm Gibea gơrê bal mơ Benjamin. Ală cau gam wơl gen khai sồr rê wơl tòm hìu bol khai dê.

I Samuel 14:22

Tòm tŭ jơh ală cau Israel neh ơm pồn să tòm ù tiah mơnơm Epraim dê kơno làng bol Philistin neh ntoat dô gen bol khai dô nùs bal tòm bơta tòmlơh mơ jơh pràn ting jat bol hơ̆.

I Samuel 14:49

Ală kòn klau Sol dê la Jônathan, Isbi mơ Malkisua. Sơnđan kòn ùr tơnhoa khai dê la Merap, mơ sơnđan kòn ùr oh la Mikal.

I Samuel 23:17

Khai đơs mơ Dabit lah: “Bañ rngòt, bơh tê bèp añ la Sol rơp ò bàn bi. Bi rơp lơh gơs bơtau at bồ Israel, mơ añ rơp gơs kwang at bồ dơ̆ bàr tơnơ̆ mơ bi. Bèp añ jê Sol kung git bơta do behơ̆ sơl.”

I Samuel 28:19

Rlau mơ hơ̆, Yàng Jehôwa rơp jào Israel bal mơ mê tòm tê cau Philistin, mơ ngai hìng mê mơ ală kòn klau mê dê rơp ơm bal mơ añ. Yàng Jehôwa kung rơp jào mpồl ling Israel tòm tê cau Philistin.”