I Samuel 30:26 - Sră Goh 2018

²⁶ Tòm tŭ Dabit rê tus hơ Jiklak, khai pơyoa dô pơnah phan pìt kup hơ̆ tus hơ ală kwang kra Juda dê la ală cau oh mi bơyô bơh lài khai dê, mơ đơs lah: “Do la dô nơm phan ơn ală ồng in tòm phan pìt kup bơh di ală cau sò tơm Yàng Jehôwa dê.”

I Samuel 30:26 ပူးပေါင်းရင်းမြစ်များ

Sơnròp Gơlik Gơs 33:11

Dan bi dòp tĕ phan añ ai bi in bơh Yàng Tom Trồ ai añ in bơta nđàc, mơ bơh añ gơs tơl.” Khai kư̆ pơnđơl gen Esau dòp gơ.

II Samuel 1:1

Tơnơ̆ mơ tŭ Sol neh chơt mơ Dabit neh pha rlau mơ cau Amalek rau, gen khai rê wơl mơ ơm tòm Jiklak tòm bàr ngai.

II Ală Bơtau 5:15

Gen khai rê wơl tus hơ cau Yàng Tom Trồ dê, bal mơ jơh ală cau lòt bal mơ khai; tus ntào di đap Elise, mơ đơs lah: “Tŭ do añ đal git lah tòm làm jơh lơgar dunnia ò gơs yàng lơi ndai rlau mơ Yàng Tom Trồ tòm Israel. Dan dòp tĕ dô nơm phan ơn bơh cau dĭ gơna ồng dê.”

Đơs Crih 35:27

Ai cau lơi dòp jơnau yal lah añ ò gơs glài, Lòi bol khai in geh driau dờng hòn chò mơ chò hòp, Mơ đơs sùm ò dơh lah: “Dờng ngan la Yàng Jehôwa, La Bơtau hừh nùs bơh bơta lơngap lơngai cau duh broă Kơnràñ dê.”

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Esai 32:8

Mơya cau màng ryŭ bơtào gơs ală bơta màng ryŭ, mơ bol khai ntào kơ̆ hơđang ală broă màng ryŭ.

II Kôrintô 9:5

Behơ̆ añ kơlôi pal dan dô êt cau lòt tus lài hơ oh mi, mơ rcang lài phan pà gòi mơ oh mi neh ho bơh lài, tồ phan hơ̆ in gơs sir tòm tŭ añ tus be dô nơm phan pà niam, mơ ò bơklơn.

I Samuel 18:17

Sol đơs mơ Dabit lah: “Do la Merap kòn ùr dờng añ jê. Añ rơp ai mê in bau; mìng mê pal duh broă añ dô bă khin cha mơ tòmlơh tòm ală bơta tòmlơh Yàng Jehôwa dê.” Bơh Sol neh kơlôi lah: “Añ rơp ò ƀư tê hơđang khai, lòi cau Philistin lơh bơta hơ̆!”

I Samuel 25:27

Mơ lòi phan ơn do mơ cau duh broă kơnràñ dê neh cèng tus cau tòm añ in, geh ai pà ală cau in lòt jat kơnràñ.

I Samuel 25:28

Dan toh glài cau duh broă kơnràñ in, bơh ngan la Yàng Jehôwa rơp bơtào kơ̆ jơi bơtiàn cau tòm añ jê tài bơh kơnràñ tòmlơh ală bơta tòmlơh Yàng Jehôwa dê; mơ bơta iơh rơp ò jòi bàn tòm jơh rài kis ồng dê.

I Samuel 30:20

Dabit kup jơh ală mpồl belàt mơ kơnrồ; ală cau khai dê lam ală phan poan jơng hơ̆ lòt lài mơ ală phan ndai, mơ đơs lah: “Do la phan Dabit neh pìt geh.”

I Samuel 30:25

Dabit bơtào gơs bơta boh lam mơ bơta sồr lam hơ̆ tòm Israel bơh ngai hơ̆ jơl tus di ngai do.