I Samuel 30:25 - Sră Goh 2018

²⁵ Dabit bơtào gơs bơta boh lam mơ bơta sồr lam hơ̆ tòm Israel bơh ngai hơ̆ jơl tus di ngai do.

I Samuel 30:25 ပူးပေါင်းရင်းမြစ်များ

Lik Ejiptơ 27:21

Tòm dơlam Sàl Tòm Mat, đah bơdìh bài kơrnìng di đap đài Bơta Cơng Tàng, Arôn mơ ală kòn klau khai dê pal rcang ală ồs đèng àng sùm di đap Yàng Jehôwa bơh trồ mang jơl àng drim. Hơ̆ la dô bơta sồr lam gam sùm sùm cau Israel in tòm ală rài.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 30:24

Ñcau rơp iat ală jơnau oh mi neh đơs taih? Pơnah tòmpà ală cau ơm sền gàr ală phan ngui sa in pal gơs ndròm bal mơ pơnah tòmpà ală cau lòt tòmlơh. Jơh tơl nă rơp geh tòmpà ring bal.”

I Samuel 30:26

Tòm tŭ Dabit rê tus hơ Jiklak, khai pơyoa dô pơnah phan pìt kup hơ̆ tus hơ ală kwang kra Juda dê la ală cau oh mi bơyô bơh lài khai dê, mơ đơs lah: “Do la dô nơm phan ơn ală ồng in tòm phan pìt kup bơh di ală cau sò tơm Yàng Jehôwa dê.”