I Samuel 29:6 - Sră Goh 2018

⁶ Behơ̆ Akis hòi Dabit mơ đơs mơ khai lah: “Di ngan kung be Yàng Jehôwa kis, mê la dô nă cau rgơi dòn kơnòm, mơ añ niam nùs gơs mê duh broă bal mơ añ tòm mpồl ling. Bơh di ngai mê tus mơ añ jơl tus di ngai do, añ ò bàn dô bơta tìs lơi tòm mê, bulah behơ̆ ală kwang at bồ ò dòp rò mê.

I Samuel 29:6 ပူးပေါင်းရင်းမြစ်များ

Sơnròp Gơlik Gơs 16:6

Abram đơs mơ Sarai lah: “Do dĭ ùr hơ̆ ơm tòm tê ai, lơh tĕ di khai be lơi khat gơboh nùs ai dê.” Gen Sarai lơh bòl glar Agar in, gen Agar dô pleh bơh di mat khai.

II Samuel 3:25

Bơtau git Apner kòn klau Ner, khai tus nàng pơrlồm bơtau, sền sơwì ală broă lơh bơtau dê, mơ git jơh ală bơta bơtau lơh.”

II Ală Bơtau 19:27

Mơya Añ git tŭ mê nggui, tŭ mê ntào, Tŭ mê lik, tŭ mê mut; mơ bơta gơhào gơjrañ mê gơwèt mơ Añ, Añ neh git jơh.

Đơs Crih 121:8

Yàng Jehôwa rơp sền gàr mê tòm tŭ mê lik mơ tòm tŭ mê mut, Bơh tŭ do jơl sùm sùm.

Esai 37:28

Mơya Añ git tŭ mê ñă ntào, mơ tŭ mê nggui, tŭ mê lik mơ tŭ mê mut, mơ tŭ mê gơhào gơjrañ tòmdră di Añ.

Esai 65:16

Cau lơi hòi dan dô bơta lơngai tòm lơgar gen rơp ai lơngai bơh Yàng Tom Trồ bơta dòn song dê; cau lơi srat să ho nền tòm lơgar gen rơp srat să bơh Yàng Tom Trồ bơta dòn song dê. Bơh ală bơta bòl glar kalke lài òr neh hŭi jơh mơ neh pồn ndơp bơh di mat Añ.

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Khà Làng Bol 27:17

nàng lik mut di đap bol khai, la dô nă cau rơp tề lam bol khai lik mơ mut tồ làng bol Yàng Jehôwa dê rơp ò gơlik gơs kung be belàt ò gơs cau ê sền gàr.”

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Yal Wơl 10:20

Duh rngòt tĕ Jehôwa Yàng Tom Trồ bol mê dê mơ duh broă Kơnràñ. Đềt mềr tĕ mơ Kơnràñ mơ srat să tòm sơnđan Kơnràñ dê.

Jôsue 22:30

Tòm tŭ cau gơnoar ơn phan duh khoai Phineas, ală cau kwang at bồ mpồl jơnum, mơ ală cau at bồ ală mpồl Israel kơno jơnau cau Ruben, cau Gat, mơ cau Manase đơs, gen gơlơh niam nùs bol khai.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 28:10

Sol srat să mơ khai ai sơnđan Yàng Jehôwa mơ lah: “Di ngan kung be Yàng Jehôwa kis sùm, ai rơp ò kòl lơh glài bơh bơta hơ̆.”

I Samuel 29:3

Ală kwang at bồ ling cau Philistin dê lùp lah: “Ñchi ală cau Hebrơ lơh tềng do taih?” Akis ho lah: “Do ò di la Dabit cau duh broă Sol bơtau Israel dê ò ơ? Bơh di tŭ khai ơm bal mơ añ rlau dô nam jơl tus tŭ do añ ò bàn dô bơta tìs lơi tòm khai.”

I Samuel 29:7

Behơ̆, rê wơl tĕ mơ lòt lơngap lơngai, bañ lơh bơta lơi ò niam nùs ală kwang at bồ ling Philistin dê.”

I Samuel 5:8

Behơ̆ bol khai hòi pơjum jơh ală cau kwang at bồ làng bol Philistin dê mơ lùp bol khai lah: “Ñchi bol he rơp lơh mơ Đài Yàng Tom Trồ Israel dê taih?” Làng bol Gat ho lah: “Pal cèng Đài Yàng Tom Trồ Israel dê tus hơ bol hi.” Behơ̆ bol khai cèng Đài Yàng Tom Trồ Israel dê tus hơ ƀòn cau Gat dê.