I Samuel 29:10 - Sră Goh 2018

¹⁰ Tŭ do ñă tĕ gòñ bal mơ ală cau duh broă cau tòm mê dê neh tus bal mơ mê, mơ lòt tus hơ tiah mơ añ neh sơnio mê in, kung be bơh ală jơnau yal wơl iơh, bañ ơn jơnau hơ̆ tòm nùs, bơh mê neh lơh bơta niam di đap añ. Sơntòm tĕ gòñ bơh rìng àng mơ lik lòt gòñ kàr lơi nggòc mê in kàr hơ̆.”

I Samuel 29:10 ပူးပေါင်းရင်းမြစ်များ

Sơnròp Gơlik Gơs 22:14

Abraham sơnđan tiah hơ̆ la Jehôwa Jire. Tài bơh hơ̆ gơs jơnau đơs lah: “Hơđang mơnơm Yàng Jehôwa dê rơp geh rcang lòi.”

I Yal Yau 12:19

Gơs dô êt cau Manase neh sang lòi mpồl bol khai dê mơ lòt jat Dabit tòm tŭ khai lòt bal mơ cau Philistin nàng tòmlơh mơ Sol. Khai mơ cau jat khai ò dong kòl cau Philistin tài bơh ală cau at bồ Philistin neh tòmbơyai bal bơtrơh tơlik khai, mơ đơs lah: “Khai rơp rê wơl hơ cau tòm khai dê la Sol, mơ khà pal tơm la ală bồ bol he dê.”

I Yal Yau 12:22

Bơh ngai do tus hơ ngai ne, gơs oă cau tus dong kòl Dabit jơl tus di tŭ khai gơs dô mpồl ling dờng kung be dô mpồl ling Yàng Tom Trồ dê.

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

I Samuel 29:11

Behơ̆ Dabit mơ ală cau khai dê guh gòñ bơh drim rê wơl hơ ù tiah cau Philistin, mơya cau Philistin neh guh hơ Jejreel.