I Samuel 28:21 - Sră Goh 2018

²¹ Tòm tŭ cau ùr hơ̆ tus rềp di Sol mơ gŏ khai rơm să rngòt oă ngan behơ̆ gen đơs lah: “Do, cau ùr duh broă bơtau dê neh dòn bơr bơtau. Añ neh phi bơta kis añ nàng lơh jat jơnau bơtau neh sồr.

I Samuel 28:21 ပူးပေါင်းရင်းမြစ်များ

II Ală Bơtau 6:11

Nùs bơtau Aram dơrcul dờng ngan tài bơh bơta hơ̆, khai hòi ală cau kwang khai dê mơ đơs mơ bol khai lah: “Tŭ do yal tĕ añ in, ñcau tòm bol he ơm đah bơtau Israel taih?”

Sră Jop 13:14

Añ rơp kap poac añ mơ sề añ, Mơ phi bơta kis añ tòm tê añ.

Ală Kwang Cahrña 12:3

Tòm tŭ añ gŏ bol mê ò tus nàng dong kòl añ, gen añ phi să mơ lòt tòmlơh mơ làng bol Ammôn, mơ Yàng Jehôwa neh ai añ in pha rlau mơ bol khai. Behơ̆ gen ñchi bơh tài bol mê tus ngai do nàng tòmlơh mơ añ taih?”

I Samuel 19:5

Khai neh phi bơta kis khai dê tòm tŭ khai tơnchơt Gôliat. Yàng Jehôwa neh ai Israel in bơta pha lin rlau dờng ngan, bèp neh gŏ bơta hơ̆ mơ hòn chò. Behơ̆, ñchi bơh tài bèp lơh tìs kòñ tơnchơt dô nă cau ò gơs glài la Dabit taih?”

I Samuel 28:20

Tŭ hơ̆ mo Sol gơpừ bic di ù, rngòt rngơt ngan tài bơh ală jơnau đơs Samuel dê. Khai ò gam pràn tai, bơh khai ò sa phan lơi tòm jơh ngai mơ mang hơ̆.

I Samuel 28:22

Behơ̆ tŭ do, dan bơtau iat jơnau cau ùr duh broă bơtau dê mơ lòi añ yò bơtau in dô êt phan sa nàng bơtau sa tồ gơs pràn nàng lòt gùng bơtau dê.”