I Samuel 26:24 - Sră Goh 2018

²⁴ Kung be bơta kis bơtau dê geh sền dờng màng di đap añ tòm ngai do, behơ̆ dan bơta kis añ jê geh sền dờng màng di đap Yàng Jehôwa mơ dan Kơnràñ dong tă añ bơh di jơh ală bơta bòl glar.”

I Samuel 26:24 ပူးပေါင်းရင်းမြစ်များ

Sơnròp Gơlik Gơs 48:16

cau gơnrơh neh dong añ klàs bơh di jơh ală bơta iơh, dan ai lơngai bàr nă kòn do in mơ bol khai gơs tơrbŏ sơnđan jat añ mơ ồng pàng añ la Abraham mơ Isak, mơ ai bol khai in gơlik gơs rơ̆sơmpài ràipơjềng hơđang ù.”

II Samuel 4:9

Dabit ho wơl mơ Rekap mơ Baana la ală kòn klau Rimmôn cau Beerôt, mơ lah: “Di ngan kung be Yàng Jehôwa kis, la Bơtau neh dong tă añ klàs bơh di ală bơta rung rài bòl glar,

Đơs Crih 144:2

Kơnràñ la lŭ klềr mơ la tiah kơp gàr añ jê, La theng kơ̆ cê añ jê mơ la Bơtau dong tă añ, la khèl đo añ jê mơ la tiah añ kìng crŭ; Kơnràñ kup ală làng bol dòn duh hơđơm añ.

Đơs Crih 18:1

Ơ Yàng Jehôwa la bơta pràn kơldang añ jê, añ kòñ gơboh di Kơnràñ.

Đơs Crih 18:25

Gơwèt hơ cau dòn song, gen Yàng ràng tơlik Kơnràñ la dòn song; Gơwèt hơ cau wil tơl, gen Yàng ràng tơlik Kơnràñ la wil tơl.

Đơs Crih 18:48

Kơnràñ dong tă añ klàs bơh di cau sò tơm di añ; Ngan Yàng neh yò tơngguh añ jòng rlau mơ ală cau sòdră di añ, Mơ dong tă añ bơh di cau jàñ bơsak.

Đơs Crih 34:20

Kơnràñ prap gàr jơh ală ntìng khai dê, Ò gơs dô nơm lơi pă.

Đơs Crih 54:7

Bơh Kơnràñ neh dong tă añ klàs bơh jơh ală bơta bòl glar, Mat añ neh gŏ cau sò tơm di añ kong alah.

Mathiơ 5:7

Lơngai ală cau gơs nùs kòñ nđàc in, bơh rơp geh kòñ nđàc!

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

II Tesalônika 3:2

Mơ kung hòi dan mơ Yàng Tom Trồ tồ bol he in geh dong tă klàs di cau lơh ò bồ mơ iơh bơsak, bơh ò di jơh tơl nă gơs bơta dòn ò.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.

I Samuel 18:30

Ală cau kwang at bồ mpồl ling cau Philistin dê kư̆ pơnjat tai lik lòt tòmlơh, mơ nđò dơ̆ bol khai lik lòt tòmlơh gen Dabit geh bơtoah bơtoài rlau mơ ală cau duh broă Sol dê, tian gơs sơnđan khai geh tiơng pơnro ngan.

I Samuel 24:16

Tòm tŭ Dabit neh sir đơs ală jơnau hơ̆ mơ Sol; gen Sol lùp lah: “Ơ Dabit kòn añ, hơ̆ ngan sơl la sap đơs kòn dê?” Gen Sol ñìm dờng ngan.