I Samuel 26:20 - Sră Goh 2018

²⁰ Tŭ do dan bañ lòi mhàm añ gơhòr tòm ù ngài bơh di đap mat Yàng Jehôwa. Bơh cau bơtau Israel dê neh lik lòt nàng jòi dô nơm sai so kung be cau lòt mòc dô nơm sềm hơđang ală mơnơm.”

I Samuel 26:20 ပူးပေါင်းရင်းမြစ်များ

Jeremi 16:16

Yàng Jehôwa đơs lah: “Tŭ do Añ rơp sồr oă cau dang bơtơng ka, ală cau hơ̆ rơp kup bol khai; tơnơ̆ hơ̆, Añ rơp sồr oă cau lòt mòc, ală cau hơ̆ rơp kup bol khai bơh ală mơnơm, ală dòr, mơ ală tiah gồp lŭ.

Ñìm Rac 3:52

Ală cau hơ̆ la cau sò tơm añ jê ò bồ neh mòc añ kung be mòc sềm.

Mathiơ 26:47

Tòm tŭ Kơnràñ gam đơs, gen Juda la dô nă cau tòm jơt bàr nă cau bơtê, tus bal mơ dô mpồl cau oă at đào mơ gai, tus bơh ală cau gơnoar lam bồ ơn phan duh khoai mơ ală cau kwang kra làng bol dê.

Mathiơ 26:55

Tòm jơ hơ̆ Yàng Jesu đơs mơ mpồl làng bol lah: “Bol mê at đào mơ gai tus kup Añ be kup cau phà ơ? Kòp ngai Añ neh nggui bơto sồr tòm hìu duh khoai mơ bol mê ò kup Añ.

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.

I Samuel 24:14

Bơtau Israel neh lik nàng tòmdră mơ ñcau taih? Bèp ting jat ñcau taih? Ting jat dô nơm so chơt ơ? Ting jat dô nơm sai so ơ?

I Samuel 24:15

Gen tàng dan Yàng Jehôwa cahrña mơ lơh nền digùl bol he. Dan Kơnràñ sền gŏ bơta hơ̆ mơ dong tò broă añ jê; dan Kơnràñ ơm đah mơ añ tòmdră mơ bèp.”

I Samuel 25:29

Dilah gơs cau lơi ting jat ồng nàng tă bơta kis ồng dê, gen bơta kis cau tòm añ jê rơp geh jơm gòm tòm bơta sền gàr Jehôwa Yàng Tom Trồ ồng dê tòm mpồl ală cau kis; mơya bơta kis ală cau sò tơm ồng dê rơp gơkòl sơrbì ngài kung be pơnai lŭ bơh di sơna sơrbì lŭ.