I Samuel 25:8 - Sră Goh 2018

⁸ Lùp tĕ ală cau dong broă ồng dê, gen bol khai rơp yal ồng in. Gen tàng lòi ală cau pơnu añ jê geh bơta nđàc di đap ồng, bơh bol hi neh tus tòm ngai pơjum sa. Dan pà ală cau dong broă ồng in mơ kòn klau ồng in la Dabit phan lơi ồng gơs tòm tê.’”

I Samuel 25:8 ပူးပေါင်းရင်းမြစ်များ

Este 9:19

Tài bơh hơ̆ tàng ală cau Juda ơm tòm ƀòn lơgar, hơ̆ la ală cau ơm tòm ală ƀòn dềt, kah prap ngai jơt poan kơnhai Adar lơh gơs ngai hòn chò mơ ngai pơjum sa, dô ngai mơ bol khai pơyoa phan pà gòi bal mơ gơp.

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Cau Bơto 11:2

Tòmpà tĕ gơ poh nă hala phàm nă in; bơh mê ò git bơta rung rài lơi rơp gơlik tus hơđang ù.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.

I Samuel 25:9

Tòm tŭ ală cau Dabit sồr lòt neh tus, bol khai ai sơnđan Dabit mơ đơs mơ Nabal ală jơnau hơ̆, mơ bol khai ơm gơn.

I Samuel 3:6

Dô dơ̆ tai Yàng Jehôwa hòi: “Ơ Samuel, Samuel!” Gen Samuel guh, lòt tus hơ Heli mơ đơs lah: “Do añ, ồng neh hòi añ.” Mơya Heli đơs lah: “Ơ kòn klau añ jê, añ neh ò hòi mê; rê bic wơl tĕ.”