I Samuel 25:7 - Sră Goh 2018

⁷ Añ kơno tŭ do ồng siat sơnò belàt, ală cau ê belàt ồng dê neh ơm mơ bol hi, bol hi neh ò lơh iơh di bol khai, mơ bol khai ò roh phan lơi tòm jơh ală tŭ bol khai ơm tòm Karmel.

I Samuel 25:7 ပူးပေါင်းရင်းမြစ်များ

II Samuel 13:23

Bàr nam tơnơ̆, Apsalôm gơs ală cau siat sơnò belàt tòm Baal Hajor, rềp di Epraim, mơ Apsalôm jà jơh ală kòn klau bơtau dê.

II Samuel 13:24

Apsalôm lòt tus hơ bơtau mơ đơs lah: “Cau duh broă bơtau dê gơs ală cau chài siat sơnò belàt tus lơh broă; dan jà bơtau bal mơ jơh ală cau kwang at bồ bơtau dê tus mơ cau duh broă bơtau dê.”

Luka 3:14

Ală cau ling kung lùp lah: “Ai bol hi ñchi bơta pal lơh taih?” Khai ho lah: “Bañ lơh rhung rhang mơ cau lơi, kung bañ yă wì cau lơi, mơya hừh nùs tĕ bơh jền tơngai bol mê dê.”

Philip 2:15

tồ ală oh mi in ò gơs tiah geh lah pơrhơng mơya song ngan, lơh gơs kòn sau Yàng Tom Trồ dê ò sồt rmàñ ơm digùl jơi bơtiàn rkwet rkwe mơ jak tòmdră, digùl bol khai oh mi pal sòl pơnđàng kung be ală sơmañ àng tòm dunnia,

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

I Samuel 22:2

Jơh ală cau tìp bơta gơlòng bòl glar hala jơh ală cau gơkòl dồs hala jơh ală cau ò hừh nùs lòt tus ơm bal mơ khai, mơ khai gơlik gơs cau lam bồ bol hơ̆. Ală cau ơm bal mơ khai pơgap poan rhiang nă.

I Samuel 25:21

Mơ Dabit neh đơs lah: “Ngan bơta hơ̆ la ò kwơ añ in, bơh añ neh sền gàr ală phan mơna cau klau do tòm ƀlàng ngềt ngơt, tian gơs ò roh dô nơm phan lơi gơrê mơ khai. Khai neh ai bơta iơh tơm wơl bơta niam añ jê.