I Samuel 25:6 - Sră Goh 2018

⁶ Đơs tĕ mơ khai be do: ‘Dan lơngap lơngai ồng in, lơngap lơngai hìu nhă ồng in, mơ lơngap lơngai hơđang jơh ală phan ồng neh gơs!

I Samuel 25:6 ပူးပေါင်းရင်းမြစ်များ

Sơnròp Gơlik Gơs 43:23

Cau gơnoar at bồ hìu đơs lah: “Dan bơta ring lơngai ơm bal mơ oh mi! Bañ rngòt, hơ̆ la Yàng Tom Trồ ală oh mi dê, Yàng Tom Trồ bèp ală oh mi dê neh ai phan màng tòm ală rơnđò, ai priă ală bol mê dê neh jào añ in rau.” Gen, khai lam Simeôn tus hơ oh mi khai dê.

II Samuel 18:28

Gen Ahimas driau dờng mơ bơtau lah: “Jơh ală bơta niam lơm.” Khai tơmbic să blup mat tòm ù di đap bơtau, mơ đơs lah: “Jòng ro Jehôwa Yàng Tom Trồ bơtau dê! Kơnràñ neh jào cau neh pò tê tòmdră mơ cau tòm añ jê la bơtau.”

I Yal Yau 12:18

Gen Yàng Hwềng tus hơđang Amasai, cau at bồ mpồl pe jơt nă, mơ khai đơs lah: “Ơ Dabit, bol hi gơrê bal mơ ồng! Ơ kòn klau Jese, bol hi ơm đah mơ ồng! Dan ồng geh lơngap lơngai, lơngap lơngai, Dan ală cau dong kòl ồng kung geh lơngap lơngai! Bơh Yàng Tom Trồ ồng dê la Bơtau rơp dong kòl ồng.” Behơ̆, Dabit dòp rò bol khai mơ bơtào bol khai gơs cau at bồ ală mpồl cau lòt jat khai.

Đơs Crih 122:7

Dan bơta ring lơngai ơm đah dơlam dơrñang mê dê. Mơ dan ală theng kơp gàr mê dê geh ơm lơngap lơngai!”

Đơs Crih 122:8

Tài bơh oh mi añ mơ cau bơyô añ jê, añ rơp đơs lah: “Dan bơta ring lơngai ơm tòm mê!”

Luka 10:5

Tòm tŭ bol mê mut tòm hìu lơi, sơnròp ngan đơs tĕ: ‘Lơngap lơngai hìu do in!’

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

I Tesalônika 3:8

Bơh tòm tŭ do ngan bol hi kis, dilah oh mi ntào kơ̆ tòm Yàng.

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

I Timôthe 5:6

Mơya cau ùr bơnrau lơi kòñ kơnhơl gơlềng gơlàng, gen bulah kis mơya kung be chơt.

I Samuel 25:5

Behơ̆ khai sồr jơt nă cau pơnu mơ đơs mơ bol khai lah: “Guh tĕ hơ Nabal tòm Karmel, mơ ai sơnđan añ lùp còp niam să khai.