I Samuel 25:39 - Sră Goh 2018

³⁹ Tòm tŭ Dabit kơno Nabal neh chơt, gen khai đơs lah: “Jòng ro Yàng Jehôwa neh cahrña bơh Nabal neh sền òsơp dê añ, Kơnràñ neh kơryan cau duh broă Kơnràñ dê klàs bơh di bơta lơh tìs, mơ neh lơh bơta tìs Nabal dê tuh wơl hơđang bồ tòm khai dê.” Gen Dabit sồr đơs mơ Abigail, dan lùp bau mơ khai.

I Samuel 25:39 ပူးပေါင်းရင်းမြစ်များ

II Samuel 1:16

Dabit đơs mơ khai lah: “Mhàm mê dê tuh wơl hơđang bồ mê! Bơr tòm mê dê neh lơh cơng tòmdră mơ mê, bơh mê neh đơs lah: ‘Añ neh tơnchơt cau geh bong mơñà Yàng Jehôwa dê.’”

I Ală Bơtau 2:44

Bơtau kung đơs mơ Simei lah: “Mê git tòm nùs mê dê jơh ală bơta iơh mê neh lơh di Dabit bèp añ. Behơ̆, Yàng Jehôwa rơp sal wơl broă iơh mê dê hơđang bồ mê.

Este 7:10

Cau bơtau đơs lah: “Yồng tĕ ngko khai hơđang hơ̆!” Behơ̆ bol khai yồng Haman hơđang jrong yồng cau mơ khai neh rcang nàng yồng Mordike. Gen bơta gơjrañ bơtau dê geh rài.

Este 9:25

Mơya tòm tŭ kai gơrmơ̆i hơ̆ neh geh yal tơnggit cau bơtau in gen cau bơtau cih ală sră jơnau gơnoar sồr lah ală kai gơrmơ̆i iơh bơsak mơ Haman neh bơtào gơs sòdră di cau Juda gen pal tuh wơl hơđang bồ khai, mơ khai bal mơ ală kòn klau khai dê pal kong yồng hơđang jrong yồng cau.

Đơs Crih 7:16

Bơta iơh bơsak khai dê tuh wơl hơđang bồ khai, Mơ bơta rhung rhang khai dê gơđềt di bìng liang khai dê.

Đơs Crih 9:5

Kơnràñ neh lah pơrhơng ală lơgar, tơnroh cau iơh bơsak, Kơnràñ neh jùt sang sơnđan bol khai jơl sùm sùm.

Jơnau Pơnđik 18:22

Cau lơi jòi geh dô nă bau ùr, hơ̆ la jòi bàn dô bơta lơngai, Mơ dòp geh bơta nđàc Yàng Jehôwa dê.

Jơnau Pơnđik 19:14

Hìu tum mơ phan mơna la sre brê ồng pàng lòi wơl; ai dô nă bau ùr jak chài bơh Yàng Jehôwa mơ tus.

Jơnau Pơnđik 22:23

Bơh Yàng Jehôwa rơp dong tò jơnau tò să bol khai, mơ tă tơlik bơta kis cau neh kơñau sơmbrơt bol khai.

Jơnau Pơnđik 31:10

Dô nă cau ùr jak chài mơ chài rgơi ñcau rơp jòi bàn taih? Bơta kas màng khai dê rlau mơ lŭ màng.

Jơnau Pơnđik 31:30

Bơta hèr niam la ma blac, bơta hàng mơnĕ la roh lơm; mơya cau ùr lơi duh rngòt di Yàng Jehôwa rơp geh Jòng ro.

Đơs Chò 8:8

Bol hi gơs dô nă cau oh ùr dềt, òhềt but toh. Pal lơh ñchi lơi oh ùr bol he in, tòm tŭ cau dan bau mơ khai taih?

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

II Kôrintô 13:7

Mơya bol hi hòi dan mơ Yàng Tom Trồ oh mi in bañ lơh broă iơh lơi, ò di nàng yal tơlik lah bol hi geh tơl rnoas, mơya tồ oh mi in lơh bơta niam, bulah bol hi gơlơh be neh kong alah rau.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

II Timôthe 4:18

Yàng rơp dong tă añ bơh di ală broă iơh bơsak, mơ dong klàs añ nàng mut tòm lơgar Kơnràñ dê hơđang trồ. Dan bơta gơklŏ gơrê hơ Kơnràñ sùm sùm ò lồi! Amen.

Ală Kwang Cahrña 5:2

“Jòng ro Yàng Jehôwa! Tòm tŭ ală cau kwang at bồ tòm Israel lam mpồl ling lòt tòmlơh, tòm tŭ làng bol chò nùs ơn să bol khai dê.

I Samuel 24:15

Gen tàng dan Yàng Jehôwa cahrña mơ lơh nền digùl bol he. Dan Kơnràñ sền gŏ bơta hơ̆ mơ dong tò broă añ jê; dan Kơnràñ ơm đah mơ añ tòmdră mơ bèp.”

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.

I Samuel 25:32

Dabit đơs mơ Abigail lah: “Jòng ro Yàng Jehôwa la Yàng Tom Trồ Israel dê, bơh Kơnràñ neh sồr ai tus tìp añ tòm ngai do.

I Samuel 25:34

Bơh di ngan kung be Yàng Jehôwa la Yàng Tom Trồ Israel dê kis, la Bơtau neh kơryan añ lơh iơh di ai, dilah ai neh ò mhar lòt tus tìp mat mơ añ, gen tus àng drim hìng ò gơs dô nă cau klau lơi gam kis bal mơ Nabal.”

I Samuel 25:40

Tòm tŭ ală cau duh broă Dabit dê lòt tus hơ Karmel, đơs mơ Abigail lah: “Dabit sồr bol hi lòt tus nàng lùp ai lơh gơs bau ùr khai dê.”

I Samuel 26:10

Dabit đơs tai lah: “Di ngan kung be Yàng Jehôwa kis sùm, să tòm Yàng Jehôwa rơp lơh khai, digơlan ngai chơt khai dê rơp tus, hala khai rơp lòt tòmlơh gen khai rơp kong chơt.