I Samuel 25:38 - Sră Goh 2018

³⁸ Pơgap tòm jơt ngai tơnơ̆ gen Yàng Jehôwa lơh Nabal, mơ khai chơt.

I Samuel 25:38 ပူးပေါင်းရင်းမြစ်များ

II Samuel 6:7

Bơta gơjrañ Yàng Jehôwa dê neh hìt tòmdră mơ Uja; mơ Yàng Tom Trồ lơh glài khai tài bơh khai neh ƀư tê khai di Đài; mơ khai chơt tềng hơ̆ di gah Đài Yàng Tom Trồ dê.

II Ală Bơtau 15:5

Yàng Jehôwa lơh bơtau, gen tàng bơtau gơlik dun jơl tus di tŭ khai chơt; khai ơm tòm dô nơm hìu is. Jôtham, kòn klau bơtau, at bồ gơlang bơtau mơ at bồ hơđang làng bol tòm lơgar.

II Ală Bơtau 19:35

Tòm mang hơ̆, gơs dô nă cau gơnrơh Yàng Jehôwa dê lòt tus tòmlơh mơ sàl Asiri, mơ tơnchơt dô rhiang phàm jơt pram rbô nă. Àng ngai hìng, cau guh bơh bic, gen gŏ mpồl ling hơ̆ la ƀồc chơt lơm.

II Yal Yau 10:15

Behơ̆, bơtau ò iat làng bol, bơh bơta gơpơrlac tòm broă do tus bơh Yàng Tom Trồ nàng Yàng Jehôwa lơh gơlik wil tơl jơnau Kơnràñ neh đơs bơh Ahija cau Silô dê; tòm broă Jerôbôam kòn klau Nebat in.

II Yal Yau 13:20

Jerôbôam ò geh ai wơl gơnoar pràn khai dê tòm rài at bồ Abija dê. Yàng Jehôwa lơh khai gen khai chơt.

Đơs Crih 104:29

Tòm tŭ Yàng pồn mat gen bol gơdơrcul. Tòm tŭ Yàng tă tơlik nhơm bol gơ dê, gen bol gơ chơt, mơ rê wơl hơ kơmbuh ù.

Đơs Crih 73:19

Heh! Bol khai kong tơnroh tòm dô huơt lơm! Bơta rngòt rngơt lơh bol khai in roh rui jơh hir.

Lik Ejiptơ 12:29

Tòm gùl mang, Yàng Jehôwa tơnchơt jơh ală kòn tơnhoa tòm Ejiptơ, bơh kòn tơnhoa Pharaôn dê nggui hơđang sơbàn tus di kòn tơnhoa cau ơm jàm tòm ơdŭ hìu jàm, bal mơ ală kòn tơnhoa jơh phan poan jơng dê.

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

I Samuel 25:33

Dan ai in geh bơta lơngai bơh bơta kơlôi niam ai dê, mơ dan bơta lơngai ai in, la cau neh kơryan añ lơh gơhòr mhàm tòm ngai do, klàs bơh bơta sal tê añ in mơ tê tòm añ jê.

I Samuel 25:37

Gen tòm àng drim hìng, tòm tŭ Nabal neh rài bơñul, bau ùr khai yal wơl khai in jơh ală bơta hơ̆, gen Nabal chơt kơng tòm nùs mơ khai gơlik gơs kung be lŭ.

I Samuel 26:10

Dabit đơs tai lah: “Di ngan kung be Yàng Jehôwa kis sùm, să tòm Yàng Jehôwa rơp lơh khai, digơlan ngai chơt khai dê rơp tus, hala khai rơp lòt tòmlơh gen khai rơp kong chơt.

I Samuel 6:9

Mơya kơp sền tĕ, dilah gơ lòt guh hơ đah lơgar tòm gơ dê hơ̆ la đah Bet Semes, gen hơ̆ la Yàng Jehôwa neh đùh bơta rung rài dờng do hơđang bol he. Mơya dilah ò di behơ̆ gen bol he rơp git la ò di tê Kơnràñ neh lơh glài bol he, bơta hơ̆ neh tus is gơ dê lơm.”