I Samuel 25:36 - Sră Goh 2018

³⁶ Tòm tŭ Abigail rê tus hơ Nabal; Nabal bơñul oă ngan, ơm ñô sa tòm hìu khai dê be bơta ñô sa dờng cau bơtau dê. Nùs Nabal dê hòn chò ngan tòm khai. Behơ̆ Abigail ò đơs jơnau lơi mơ khai jơl tus di ngai hìng.

I Samuel 25:36 ပူးပေါင်းရင်းမြစ်များ

II Samuel 13:23

Bàr nam tơnơ̆, Apsalôm gơs ală cau siat sơnò belàt tòm Baal Hajor, rềp di Epraim, mơ Apsalôm jà jơh ală kòn klau bơtau dê.

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

II Samuel 3:20

Tòm tŭ Apner bal bàr jơt nă cau lòt tus hơ Dabit tòm Hebrôn, Dabit yò sào dờng Apner in bal mơ ală cau lòt bal mơ khai.

I Ală Bơtau 20:16

Bol khai lik lòt tŭ trồ gùl ngai, tòm tŭ Benhadat ơm ñô bơñul tòm sàl bal mơ pe jơt bàr nă cau bơtau dong kòl khai.

Đơs Crih 112:5

Lơngai cau lơi in gơs nùs sơrmah sơrmài mơ ai càn, Mơ lơh ală broă khai dê dô bă song ngan.

Jơnau Pơnđik 20:1

Alak tơrnòm lơh cau in dơñŏ tơnhial, phan ñô bơñul lơh cau in đơs tràl sơrbil; dilah cau lơi ngui gơ oă ir, ò di la jak chài.

Cau Bơto 10:19

Cau yò sào dờng nàng ñŏ; alak tơrnòm lơh rài kis in chò hòp; gơs jền priă gen geh ală bơta pal càng.

Esai 28:3

Sơgơn dơwàng bơkào jòng să ală cau bơñul ñô Epraim dê, rơp kòl jă lề hơđơm mpàng jơng.

Esai 5:11

Bòl glar ală cau guh gòñ bơh rìng àng drim nàng ting jat tơrnòm, mơ ơm pơrwài tus mang, gơlik duh trơàl bơh tơrnòm,

Jeremi 51:57

Bơtau, sơnđan Kơnràñ la Yàng Jehôwa Gơnap Gơnoar, đơs: Añ rơp lơh ală kwang dờng, ală cau jak chài gơ dê bơñul kung behơ̆ sơl ală kwang đơng, ală kwang dong kòl, bal mơ ală ling jak tòmlơh gơ dê, Bol khai rơp bic jơl sùm sùm Ò tŭ lơi kah rngal wơl tai.”

Sră Ôse 4:11

Mơ ơn să tòm bol khai tòm bơta rềs àr mơ tòm bơta ñô sa bơñul lơmbè la ală bơta tơnroh bơta git wă làng bol Añ jê.

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Luka 14:12

Kơnràñ kung đơs mơ cau tòmjà Kơnràñ lah: “Tòm tŭ mê yò sa ngai hala sa mho, bañ jà ală oh mi bơyô, oh mi tòm, jơi bơtiàn mơ cau gơp ƀòn pas gơs, rngòt bol khai kung jà mê sào nàng tơm wơl mòn.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

I Samuel 25:19

mơ đơs mơ ală cau dong broă khai dê lah: “Lik lòt tĕ lài mơ añ, añ rơp lòt jat bol mê.” Mơya khai ò yal Nabal bau khai in git.

I Samuel 25:37

Gen tòm àng drim hìng, tòm tŭ Nabal neh rài bơñul, bau ùr khai yal wơl khai in jơh ală bơta hơ̆, gen Nabal chơt kơng tòm nùs mơ khai gơlik gơs kung be lŭ.