I Samuel 25:29 - Sră Goh 2018

²⁹ Dilah gơs cau lơi ting jat ồng nàng tă bơta kis ồng dê, gen bơta kis cau tòm añ jê rơp geh jơm gòm tòm bơta sền gàr Jehôwa Yàng Tom Trồ ồng dê tòm mpồl ală cau kis; mơya bơta kis ală cau sò tơm ồng dê rơp gơkòl sơrbì ngài kung be pơnai lŭ bơh di sơna sơrbì lŭ.

I Samuel 25:29 ပူးပေါင်းရင်းမြစ်များ

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

II Samuel 4:8

Bol khai cèng bồ Isbôset tus hơ Dabit tòm Hebrôn, mơ đơs mơ cau bơtau lah: “Do la bồ Isbôset kòn klau Sol, cau sò tơm bơtau dê, la cau neh jòi gùng nàng tă bơta kis bơtau dê. Ngai do Yàng Jehôwa neh sal tê cau tòm añ in la bơtau hơđang Sol mơ jơi bơtiàn khai dê.”

Sră Jop 27:22

Gơkhồm druh di bol khai, ò nđàc sơngit; Bol khai ntoat dô jơh pràn bơh di gơnap gơnoar gơ dê.

Đơs Crih 116:15

Bơta chơt ală cau sàng goh Yàng Jehôwa dê La dờng màng di đap Kơnràñ.

Đơs Crih 54:3

Bơh cau đơs iơh pơnhừ să neh bơtào tơngguh tòmdră mơ añ, Cau iơh rmơh kòñ tơnchơt añ; bol khai ò ơn Yàng Tom Trồ di đap bol khai. (Selah)

Đơs Crih 66:9

Kơnràñ sền gàr bơta kis bol he dê, Ò lòi jơng bol he gơcồt.

Jeremi 10:18

Bơh Yàng Jehôwa đơs be do: “Di di tŭ do, Añ rơp sang sơrbì làng bol lơgar do, Añ rơp cèng bơta bòl glar hơđang bol khai, Nàng bol khai kah rngal wơl.”

Malaci 3:17

Yàng Jehôwa Gơnap Gơnoar Dờng Làm Jơh đơs lah: “Bol khai rơp gơrê bal mơ Añ, tòm ngai tòm tŭ Añ lơh gơlik gơs, hơ̆ la sre brê krơi is Añ jê. Añ rơp pơlai bol khai kung be mè bèp pơlai ală kòn bol khai dê la cau duh broă bol khai.

Jang 14:19

Gam dô êt jŏ tai gen dunnia ò gŏ Añ tai, mơya bol mê rơp gŏ Añ; tài bơh Añ kis, gen bol mê kung rơp kis sơl.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Jang 17:23

Añ ơm tòm bol khai mơ Bèp ơm tòm Añ nàng bol khai in gơs dô bă bal wil tơl, tồ dunnia in git lah Bèp neh sồr Añ lòt tus, mơ Bèp neh kòñ gơboh di bol khai kung be Bèp kòñ gơboh di Añ sơl.

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

I Pier 1:5

la ală cau bơh bơta dòn geh sền gàr kơnòm di gơnap gơnoar Yàng Tom Trồ dê, jơl tus di bơta dong klàs tus, la bơta neh rcang sir rơp geh yal tơlik tòm ngai lồi dut.

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.