I Samuel 25:28 - Sră Goh 2018

²⁸ Dan toh glài cau duh broă kơnràñ in, bơh ngan la Yàng Jehôwa rơp bơtào kơ̆ jơi bơtiàn cau tòm añ jê tài bơh kơnràñ tòmlơh ală bơta tòmlơh Yàng Jehôwa dê; mơ bơta iơh rơp ò jòi bàn tòm jơh rài kis ồng dê.

I Samuel 25:28 ပူးပေါင်းရင်းမြစ်များ

II Samuel 5:2

Bơh lài òr, tòm tŭ Sol gam at bồ bol hi, bơtau la cau neh lam Israel tòm ală bơta tòmlơh. Yàng Jehôwa neh đơs mơ bơtau lah: Mê rơp ê gàr làng bol Israel Añ jê, mơ mê rơp gơlik gơs cau at bồ hơđang Israel.”

II Samuel 7:11

bơh di tŭ Añ neh bơtào ală cau kwang at bồ hơđang làng bol Israel Añ jê. Añ kung rơp ai mê in rlô lơngai bơh di jơh ală cau sò tơm mê dê. Rlau mơ hơ̆, Yàng Jehôwa neh đơs loh mơ mê lah Yàng Jehôwa rơp lơh mê in dô nơm hìu.

II Samuel 7:16

Hìu mê mơ lơgar bơtau mê dê rơp geh bơtào kơ̆ nền gam sùm sùm di đap mê; sơbàn mê rơp geh bơtào kơ̆ gam sùm sùm.’”

II Samuel 7:27

Đah mơ Yàng, ơ Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, Yàng neh yal tơlik jơnau do cau duh broă Yàng in mơ đơs lah: ‘Añ rơp bơt mê in dô nơm hìu.’ Gen tàng, cau duh broă Yàng dê geh nùs khin cha hòi dan mơ Yàng ală jơnau do.

I Ală Bơtau 15:3

Khai neh tìs jơh ală tồi glài mơ bèp khai neh lơh lài mơ khai; nùs khai ò song mơ Jehôwa Yàng Tom Trồ khai dê, be nùs Dabit, ồng pàng khai.

I Ală Bơtau 15:5

Tài bơh Dabit neh lơh bơta niam di đap Yàng Jehôwa, ò pơrlac đah lơi bơh ală bơta Kơnràñ neh nting sồr khai, mìng tòm broă Uria, cau Hetit lơm.

I Ală Bơtau 9:5

gen Añ rơp bơtào kơ̆ sơbàn bơtau mê dê hơđang Israel jơl sùm sùm, be Añ neh ho mơ Dabit, bèp mê lah: ‘Mê rơp ò siơ̆u dô nă cau pơrdòn hơđang sơbàn Israel.’

I Yal Yau 17:10

bơh di tŭ Añ neh pồ bơtào ală cau at bồ hơđang làng bol Israel Añ jê, mơ Añ rơp lơh alah jơh ală cau sò tơm bol mê dê. Rlau mơ hơ̆ Añ yal bol mê in lah Yàng Jehôwa rơp bơt bơtào dô nơm hìu mê in:

I Yal Yau 17:25

Ơ Yàng Tom Trồ añ jê, Kơnràñ neh yal tơlik cau duh broă Kơnràñ in la Kơnràñ rơp bơt bơtào dô nơm hìu khai in. Behơ̆ sồng cau duh broă Kơnràñ dê rgơi geh gơnoar nàng hòi dan mơ Kơnràñ.

II Yal Yau 20:15

Khai đơs lah: “Dan ơm iat, ơ jơh cau Juda mơ ală làng bol ơm tòm Jerusalem, mơ bơtau Jehôsaphat: Yàng Jehôwa đơs be do mơ ală ồng: ‘Bañ rngòt hala gơplơ̆ nùs di mpồl ling gal ngan do, bơh bơta tòmlơh do ò gơrê bal mơ bol mê mơya gơrê mơ Yàng Tom Trồ.

Đơs Crih 7:3

Ơ Jehôwa Yàng Tom Trồ añ jê, dilah añ neh lơh bơta hơ̆, Dilah añ gơs bơta tồi glài iơh bơsak tòm tê añ.

Đơs Crih 89:29

Añ rơp bơtào jơi bơtiàn khai dê gam sùm sùm, Mơ sơbàn khai dê gam jŏ jòng be ală tap trồ.

Khà Làng Bol 23:21

Ò jòi gŏ bơta tồi glài tòm Jakôp, ò jòi bàn bơta dồn sa rƀah tòm Israel. Jehôwa Yàng Tom Trồ bol khai dê ơm bal mơ bol khai; jơnau driau dờng jòng ro Bơtau ơm digùl bol khai.

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Luka 23:41

Bol he kong be do la song ngan, bơh he kong sal wơl tòm toh be broă he lơh, mơya cau do ò lơh dô bơta lơi tìs ò.”

Luka 23:47

Cau at dô rhiang ling gŏ bơta neh gơlik gơs, gen jòng ro Yàng Tom Trồ mơ đơs lah: “Do ngan la cau song ring.”

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.

I Samuel 17:47

Jơh ală mpồl ling neh pơjum tềng do rơp git lah Yàng Jehôwa ò ngui đào mơ tà nàng dong tă; tài bơh bơta tòmlơh do la tòmlơh mơ Yàng Jehôwa, mơ Kơnràñ rơp jào jơh tơl nă bol mê tòm tê bol hi dê.”

I Samuel 18:17

Sol đơs mơ Dabit lah: “Do la Merap kòn ùr dờng añ jê. Añ rơp ai mê in bau; mìng mê pal duh broă añ dô bă khin cha mơ tòmlơh tòm ală bơta tòmlơh Yàng Jehôwa dê.” Bơh Sol neh kơlôi lah: “Añ rơp ò ƀư tê hơđang khai, lòi cau Philistin lơh bơta hơ̆!”

I Samuel 2:35

Añ rơp bơtào tơngguh Añ in dô nă cau gơnoar ơn phan duh khoai dòn song, khai rơp lơh ală bơta jat nùs mơ bơta kơlôi Añ jê. Añ rơp bơtào kơ̆ hìu khai dê, mơ khai rơp duh broă di đap cau geh bong mơñà Añ jê sùm sùm.

I Samuel 22:14

Gen Ahimelek ho cau bơtau lah: “Digùl ală cau duh broă bơtau dê, ñcau la cau dòn song kung be Dabit cau bơrtơu, cau kwang at bồ mpồl ling sền gàr bơtau, mơ geh ki ngàm tòm hìu nhă bơtau dê taih?

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.

I Samuel 24:17

Lồc behơ̆ khai đơs mơ Dabit lah: “Mê la song ring rlau mơ añ; mê neh lơh niam gơwèt mơ añ, mơya añ neh lơh iơh gơwèt mơ mê.

I Samuel 24:21

Tŭ do ai tĕ sơnđan Yàng Jehôwa mơ srat să tòmho mơ añ lah mê rơp ò tơnroh kòn sau jơi bơtiàn añ jê, mơ mê rơp ò tơnroh sơnđan añ bơh di hìu bèp añ jê.”

I Samuel 24:4

Ală cau jat Dabit đơs mơ khai lah: “Do la ngai bơh bơta hơ̆ mơ Yàng Jehôwa neh đơs mơ ồng lah: ‘Añ rơp jào phi cau sò tơm mê dê tòm tê mê nàng mê lơh di khai bơta lơi gơlơh niam mê in.’” Gen Dabit lòt òm tus mơ kơñau koh mum tiang ào jrùh Sol dê.

I Samuel 25:24

Khai cùn di jơng Dabit mơ đơs lah: “Ơ kơnràñ añ jê, lòi glài hơ̆ gơtuh hơđang mìng dô nă añ. Dan lòi cau duh broă kơnràñ dê đơs mơ kơnràñ; dan iat tĕ ală jơnau đơs cau duh broă ồng dê.

I Samuel 29:3

Ală kwang at bồ ling cau Philistin dê lùp lah: “Ñchi ală cau Hebrơ lơh tềng do taih?” Akis ho lah: “Do ò di la Dabit cau duh broă Sol bơtau Israel dê ò ơ? Bơh di tŭ khai ơm bal mơ añ rlau dô nam jơl tus tŭ do añ ò bàn dô bơta tìs lơi tòm khai.”

I Samuel 30:26

Tòm tŭ Dabit rê tus hơ Jiklak, khai pơyoa dô pơnah phan pìt kup hơ̆ tus hơ ală kwang kra Juda dê la ală cau oh mi bơyô bơh lài khai dê, mơ đơs lah: “Do la dô nơm phan ơn ală ồng in tòm phan pìt kup bơh di ală cau sò tơm Yàng Jehôwa dê.”