I Samuel 25:27 - Sră Goh 2018

²⁷ Mơ lòi phan ơn do mơ cau duh broă kơnràñ dê neh cèng tus cau tòm añ in, geh ai pà ală cau in lòt jat kơnràñ.

I Samuel 25:27 ပူးပေါင်းရင်းမြစ်များ

Sơnròp Gơlik Gơs 33:11

Dan bi dòp tĕ phan añ ai bi in bơh Yàng Tom Trồ ai añ in bơta nđàc, mơ bơh añ gơs tơl.” Khai kư̆ pơnđơl gen Esau dòp gơ.

II Samuel 16:2

Bơtau lùp Jiba lah: “Ñchi bơh tài mê cèng ală phan do taih?” Jiba ho lah: “Ală alàng ngui nàng hìu nhă bơtau in hào; piang lă mơ plai chi nàng ală cau klau in sa, mơ tơrnòm nàng bơtơl pràn ală cau in bòl glar òsô tòm ƀlàng ngềt ngơt.”

II Ală Bơtau 5:15

Gen khai rê wơl tus hơ cau Yàng Tom Trồ dê, bal mơ jơh ală cau lòt bal mơ khai; tus ntào di đap Elise, mơ đơs lah: “Tŭ do añ đal git lah tòm làm jơh lơgar dunnia ò gơs yàng lơi ndai rlau mơ Yàng Tom Trồ tòm Israel. Dan dòp tĕ dô nơm phan ơn bơh cau dĭ gơna ồng dê.”

Jơnau Pơnđik 18:16

Phan pà cau dê pò mpồng khai in, Lam khai tus di đap cau dờng ryŭ.

II Kôrintô 9:5

Behơ̆ añ kơlôi pal dan dô êt cau lòt tus lài hơ oh mi, mơ rcang lài phan pà gòi mơ oh mi neh ho bơh lài, tồ phan hơ̆ in gơs sir tòm tŭ añ tus be dô nơm phan pà niam, mơ ò bơklơn.

Ală Kwang Cahrña 4:10

Barak pơjum cau Jebulun mơ Neptali tòm Kades; jơt rbô nă cau ling jat khai, mơ Debôra kung lòt bal mơ khai sơl.

I Samuel 25:42

Chòp Abigail sơrbac sơrbang hào dô nơm alàng, gơs pram nă cau dĭ ùr khai dê lòt bal, jat ală cau kong sồr Dabit dê mơ gơlik gơs bau ùr khai dê.

I Samuel 30:26

Tòm tŭ Dabit rê tus hơ Jiklak, khai pơyoa dô pơnah phan pìt kup hơ̆ tus hơ ală kwang kra Juda dê la ală cau oh mi bơyô bơh lài khai dê, mơ đơs lah: “Do la dô nơm phan ơn ală ồng in tòm phan pìt kup bơh di ală cau sò tơm Yàng Jehôwa dê.”