I Samuel 25:25 - Sră Goh 2018

²⁵ Dan cau tòm añ jê bañ kòp cau iơh bơsak hơ̆ la Nabal. Khai ngan la tòm toh be sơnđan khai dê; sơnđan khai la tùl gơla, mơ bơta tùl gơla ơm bal mơ khai. Mơya đah mơ añ la cau duh broă kơnràñ dê, añ ò gŏ ală cau mơ cau tòm añ jê neh sồr lòt tus.

I Samuel 25:25 ပူးပေါင်းရင်းမြစ်များ

II Samuel 13:33

Behơ̆, dan kơnràñ la cau tòm añ jê bañ ơn nùs di jơnau yal lah, jơh ală kòn klau bơtau dê neh chơt; bơh mìng dô nă Amnôn neh chơt lơm.”

Jơnau Pơnđik 29:7

Cau song ring git gơnoar pal dòp geh cau rƀah lơòi dê; ai cau iơh ò gơs dơngoh jak nàng ơn nùs tồr git wă.

Esai 32:5

Dô nă cau tùl gơla rơp ò tai geh sơnđan la cau màng ryŭ, hala dô nă cau lac lèo ò gơs cau lơi ki ngàm.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

I Samuel 25:17

Behơ̆ tŭ do git tĕ bơta hơ̆ mơ sền sơwì ñchi mò pal lơh, bơh bơta iơh neh geh lơh nền tòmdră mơ cau tòm he dê mơ jơh hìu nhă khai dê. Khai ngan la dô nă cau gơs nùs nhơm iơh, ò gơs dô nă cau lơi rgơi đơs mơ khai.”

I Samuel 25:24

Khai cùn di jơng Dabit mơ đơs lah: “Ơ kơnràñ añ jê, lòi glài hơ̆ gơtuh hơđang mìng dô nă añ. Dan lòi cau duh broă kơnràñ dê đơs mơ kơnràñ; dan iat tĕ ală jơnau đơs cau duh broă ồng dê.

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.

I Samuel 25:3

Sơnđan khai la Nabal, mơ sơnđan bau ùr khai dê la Abigail. Cau ùr hơ̆ la jak chài mơ hàng mơnĕ, mơya bau klau khai dê la kră kơldang mơ sềt pơniă, khai gơrê bal mơ jơi bơtiàn Kalep dê.