I Samuel 25:21 - Sră Goh 2018

²¹ Mơ Dabit neh đơs lah: “Ngan bơta hơ̆ la ò kwơ añ in, bơh añ neh sền gàr ală phan mơna cau klau do tòm ƀlàng ngềt ngơt, tian gơs ò roh dô nơm phan lơi gơrê mơ khai. Khai neh ai bơta iơh tơm wơl bơta niam añ jê.

I Samuel 25:21 ပူးပေါင်းရင်းမြစ်များ

Sơnròp Gơlik Gơs 44:4

Tòm tŭ bol khai lik bơh di ƀòn òhềt ngài, gen Jôsep đơs mơ cau at bồ hìu lah: “Mê ñă tĕ ting jat bol hơ̆, tòm tŭ jat bàn rau gen đơs tĕ lah: ‘Ñchi bơh tài ală bol mê ai bơta iơh tơm bơta niam behơ̆ taih?

Sră Jop 30:8

Bol khai la kòn sau cau bơrngơl gơla, lơh roh sơnđan màng ryŭ, bol khai kong ting bơtrơh bơh di ù.

Đơs Crih 35:12

Bol khai ai bơta iơh sal di bơta niam añ jê, Hwềng soàn añ jê gơkòl sang lòi.

Đơs Crih 37:8

Kơryan tĕ, bañ gơjrañ tai, sang tĕ bơta gơjrañ dờng! Bañ gơs nùs sơềt sơềl, bơta hơ̆ mìng lam tus hơ bơta lơh iơh.

Đơs Crih 38:20

Ală cau ai bơta iơh tơm bơta niam añ in, Kung la cau sòdră di añ, tài bơh añ jat bơta niam.

Jơnau Pơnđik 17:13

Cau lơi ai bơta iơh tơm wơl bơta niam. Bơta rung rài ò ơm ngài mơ hìu cau hơ̆

Jeremi 18:20

Bơta iơh rgơi tơm wơl bơta niam ơ? Bơh bol khai neh tò trồm lơh iơh bơta kis añ in. Dan kah wơl mbe añ neh ntào di đap Kơnràñ, Bơh bol khai mơ dan bơta lơngai, Bơta gơjrañ Kơnràñ dê wèt ngài bơh bol khai.

Rôma 12:21

Bañ lòi bơta iơh bơsak pha rlau mơ he, mơya ai tĕ bơta niam nàng pha rlau mơ bơta iơh bơsak.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Ephesô 4:31

Sang tĕ bơh di oh mi jơh ală bơta sràt bơtang, gơjrañ mañ, gơhào nùs, nggồr nggàc, bơrsèl tơnhial, bal mơ jơh ală bơta bih khih.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

I Pier 3:17

Bơh dilah nùs kòñ Yàng Tom Trồ dê la behơ̆, gen chan lơh bơta niam mơ kong bòl glar jê sồt la niam rlau mơ lơh bơta iơh.

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

I Samuel 25:13

Dabit đơs mơ ală cau khai dê lah: “Kơt tĕ đào bol mê dê!” Behơ̆ bol khai kơt đào bol khai dê, mơ Dabit kơt đào khai dê sơl. Gơs pơgap poan rhiang nă cau lòt bal mơ Dabit, mơ bàr rhiang ơm wơl bal mơ ală phan mơna.

I Samuel 25:15

Mơya ală cau hơ̆ gơwèt niam ngan mơ bol hi, bol khai ò lơh iơh di bol hi, mơ tòm jơh ală tŭ tơngai bol hi ơm tòm ală ƀlàng rềp bal mơ bol khai, bol hi ò gŏ roh dô nơm phan lơi.

I Samuel 25:20

Tòm tŭ Abigail hào alàng khai dê mơ mù dô nơm thòng, Dabit mơ ală cau khai dê mù hơ đah Abigail, mơ Abigail tòmtìp mơ bol hơ̆.

I Samuel 25:7

Añ kơno tŭ do ồng siat sơnò belàt, ală cau ê belàt ồng dê neh ơm mơ bol hi, bol hi neh ò lơh iơh di bol khai, mơ bol khai ò roh phan lơi tòm jơh ală tŭ bol khai ơm tòm Karmel.