I Samuel 25:18 - Sră Goh 2018

¹⁸ Gen Abigail sơrbac sơrbang mơ ai bàr rhiang nơm piang lă, bàr nhồng gơltau tơrnòm, pram nơm belàt neh lơh poac, pram thùng gar ceh, dô rhiang nơm ƀañ plai ño mơ bàr rhiang nơm ƀañ plai ƀal ro. Khai dap jơh hơđang ngkòi alàng

I Samuel 25:18 ပူးပေါင်းရင်းမြစ်များ

II Samuel 16:1

Tòm tŭ Dabit neh lòt sơrlèt ngài dô êt đah ne mơnơm, gen Jiba cau duh broă Mephibôset dê, ơm gơn nàng tìp mat bơtau. Khai gơs bàr nơm alàng pơdiang bàr rhiang nơm piang lă, dô rhiang nơm piang lă dềt mơ plai ño, dô rhiang nơm piang lă dềt mơ plai ƀal, mơ dô nhồng gơltau tơrnòm ño.

I Yal Yau 12:40

Ală cau gơp ƀòn bol khai dê ơm ngài kung be cau Issaka, Jebulun mơ Neptali kung tus mơ cèng bal phan sa pơdiang hơđang ngkòi ală alàng, làkđa, alàng ơseh mơ kơnrồ. Gơs lìu làc ală phan neh rcang kung be kơmbuh kòi mi, ƀañ plai ƀal, ƀañ plai ño, tơrnòm, mơñà, kơnrồ mơ belàt, bơh gơs bơta hòn chò tòm Israel.

Jơnau Pơnđik 18:16

Phan pà cau dê pò mpồng khai in, Lam khai tus di đap cau dờng ryŭ.

Jơnau Pơnđik 21:14

Phan ai ndơp ndơr lơh rài bơta gơjrañ; phan ơn loă lơh ngềt bơta gơjrañ dờng.

Jơnau Pơnđik 31:12

Jơl jơh rài kis khai lơh bau klau khai in geh cồng nha, ò tŭ lơi gơs bơta roh gơcoh.

Mathiơ 5:25

Tòm tŭ mê lòt gùng bal mơ cau yă wơn di mê, gen lơh gơtòmsòr mhar tĕ mơ khai, rngòt khai jào mê di đap cau kwang cahrña, mơ cau kwang cahrña jào mê tòm tê cau ling, mơ mê gơkòl ơm jàm mòn.

I Samuel 17:17

Jese đơs mơ Dabit kòn klau khai dê mơ lah: “Cèng tĕ dô epha gar ceh mơ jơt pơnai piang lă do, mơ lòt mhar tus hơ tiah sàl ală bi mê dê.

I Samuel 25:17

Behơ̆ tŭ do git tĕ bơta hơ̆ mơ sền sơwì ñchi mò pal lơh, bơh bơta iơh neh geh lơh nền tòmdră mơ cau tòm he dê mơ jơh hìu nhă khai dê. Khai ngan la dô nă cau gơs nùs nhơm iơh, ò gơs dô nă cau lơi rgơi đơs mơ khai.”

I Samuel 25:34

Bơh di ngan kung be Yàng Jehôwa la Yàng Tom Trồ Israel dê kis, la Bơtau neh kơryan añ lơh iơh di ai, dilah ai neh ò mhar lòt tus tìp mat mơ añ, gen tus àng drim hìng ò gơs dô nă cau klau lơi gam kis bal mơ Nabal.”