I Samuel 25:17 - Sră Goh 2018

¹⁷ Behơ̆ tŭ do git tĕ bơta hơ̆ mơ sền sơwì ñchi mò pal lơh, bơh bơta iơh neh geh lơh nền tòmdră mơ cau tòm he dê mơ jơh hìu nhă khai dê. Khai ngan la dô nă cau gơs nùs nhơm iơh, ò gơs dô nă cau lơi rgơi đơs mơ khai.”

I Samuel 25:17 ပူးပေါင်းရင်းမြစ်များ

II Samuel 24:13

Behơ̆ Gat neh lòt tus hơ Dabit mơ đơs mơ khai lah: “Rơp gơlik gơs hơđang bơtau poh nam jơgloh rung tòm lơgar, hala pe kơnhai bơtau pal ntoat dô di đap cau sò tơm ting jat, hala pe ngai pluh plàng tòm lơgar bơtau dê. Behơ̆ tŭ do kơlôi sơnơng tĕ mơ lơh nền bơta añ pal ho wơl mơ Bơtau neh sồr añ lòt tus.”

I Ală Bơtau 21:10

ơn tĕ di đap mat khai bàr nă cau gơlềng gơlàng lơh cơng blac tòmdră mơ khai, lah: ‘Mê neh srat rma Yàng Tom Trồ mơ bơtau.’ Gen lam tĕ khai lik bơh ƀòn, cơm lŭ jơl chơt tơn.”

I Ală Bơtau 21:13

Bàr nă cau gơlềng gơlàng tus nggui di đap Nabôt, mơ bol khai yă blac tòmdră mơ Nabôt di đap làng bol, lah: “Nabôt neh srat rma Yàng Tom Trồ mơ bơtau.” Gen bol khai lam Nabôt lik hơ bơdìh ƀòn dờng, mơ cơm lŭ tơnchơt khai.

II Yal Yau 13:7

mơ ală cau ală alai ò kwơ neh pơjum gùt dar khai sền òsơp di Rôbôam kòn klau Salômôn, tòm tŭ Rôbôam gam kơnòm să òhềt git làm nàng tòmdră wơl mơ bol khai.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Este 7:7

Cau bơtau ñă ntào gơhào gơjrañ ngan, sang lòi tơrnòm mơ lik lòt hơ suơn gơlang dê. Mơya Haman ơm wơl rac dan Este dong klàs bơta kis khai dê, tài bơh khai đal git cau bơtau neh lơh nền nàng tơnroh khai.

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Yal Wơl 13:13

la neh gơs ală cau iơh bơsak bơtào tơngguh digùl bol mê, mơ neh tề lam làng bol ƀòn dờng bol khai dê lòt tìs nrah bơh đơs lah: “Bol he lòt lă mơ duh khoai ală yàng ndai,” la ală yàng bol mê ò git,

Ală Kwang Cahrña 19:22

Tòm tŭ bol khai gơs bơta chò hòp bal, gen gơs ală cau klau iơh bơsak tòm ƀòn dờng tus gơrwàng gùt dar hìu. Bol khai tur di mpồng mơ đơs dờng mơ ồng kra cau tòm hìu lah: “Cèng tơlik tĕ cau klau neh mut tòm hìu mê dê nàng bol hi bic mơ khai.”

I Samuel 10:27

Mơya gơs dô êt nă cau gơlềng gơlàng đơs lah: “Mbe rgơi klau do dong tă he taih?” Bol hơ̆ sền òsơp di khai mơ ò cèng phan pà khai in. Mơya Sol kư̆ ơm ring lơngai.

I Samuel 2:12

Tŭ hơ̆ ală kòn klau Heli dê la ơlă ơlai; bol khai ò wèt sền di Yàng Jehôwa,

I Samuel 20:7

Dilah bơtau đơs lah: ‘Niam ngan,’ gen cau duh broă bi dê rơp geh lơngap lơngai. Mơya dilah bơtau gơhào gơjrañ gen bi rgơi git lah bơtau neh lơh nền lơh iơh di añ.

I Samuel 20:9

Jônathan ho lah: “Ò tŭ lơi gơs behơ̆! Dilah añ git bèp añ lơh nền kòñ lơh iơh di bi gen añ ò yal bi in git ơ?”

I Samuel 25:16

Ngai mơ mang bol khai gơlơh kung be dô nơm dơrñang bol hi in jơh ală tŭ bol hi ơm mơ bol khai tòm tŭ ê gàr belàt.

I Samuel 25:18

Gen Abigail sơrbac sơrbang mơ ai bàr rhiang nơm piang lă, bàr nhồng gơltau tơrnòm, pram nơm belàt neh lơh poac, pram thùng gar ceh, dô rhiang nơm ƀañ plai ño mơ bàr rhiang nơm ƀañ plai ƀal ro. Khai dap jơh hơđang ngkòi alàng

I Samuel 25:25

Dan cau tòm añ jê bañ kòp cau iơh bơsak hơ̆ la Nabal. Khai ngan la tòm toh be sơnđan khai dê; sơnđan khai la tùl gơla, mơ bơta tùl gơla ơm bal mơ khai. Mơya đah mơ añ la cau duh broă kơnràñ dê, añ ò gŏ ală cau mơ cau tòm añ jê neh sồr lòt tus.