I Samuel 25:10 - Sră Goh 2018

¹⁰ Nabal ho mơ ală cau dong broă Dabit lah: “Ñcau la Dabit? Ñcau la kòn klau Jese? Ngai do gơs oă cau dong broă neh dô bơh ală cau tòm bol khai dê.

I Samuel 25:10 ပူးပေါင်းရင်းမြစ်များ

II Samuel 20:1

Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

I Ală Bơtau 12:16

Tòm tŭ jơh Israel gŏ bơtau ò bài iat jơnau bol khai, gen làng bol đơs mơ bơtau lah: “Bol he gơs pơnah lơi mơ Dabit? Bol he ò gơs sre brê lơi bal mơ kòn klau Jese. Ơ Israel! Rê wơl tĕ hơ sàl he dê. Ơ Dabit! Bơh do mê pal kơrhia hìu mê dê.” Behơ̆ Israel rê wơl hơ ală sàl bol khai dê.

Lik Ejiptơ 5:2

Mơya Pharaôn ho lah: “Jehôwa la ñcau mơ añ pal dòn bơr khai mơ lòi làng bol Israel lik lòt taih? Añ ò git Jehôwa mơ kung rơp ò lòi cau Israel lik lòt.”

Jơnau Pơnđik 15:1

Jơnau ho lơbơn niam lơh rài bơta gơhào gơjrañ; Ai jơnau sràt bơtang bơrcek nùs gơjrañ.

Cau Bơto 7:10

Bañ đơs lah: Ñchi bơh tài ngai òr niam rlau mơ ngai do? Bơh lùp behơ̆ la ò jak chài.

Esai 32:5

Dô nă cau tùl gơla rơp ò tai geh sơnđan la cau màng ryŭ, hala dô nă cau lac lèo ò gơs cau lơi ki ngàm.

Esai 32:7

Cau lac lèo ngui ală bơta lac lèo, khai bơtào gơs ală kai gơrmơ̆i iơh, ai ală jơnau đơs blac nàng tơnroh cau rƀah lơòi, bulah tòm tŭ jơnau rac dan cau siơ̆u siar dê la di ngan.

Ală Kwang Cahrña 9:28

Mơ Gaal kòn klau Ebet dê đơs lah: “Abimelek la ñcau, mơ Sicem la ñcau mơ bol he pal duh broă khai in taih? Ò di kòn klau Jerubaal, mơ Jebul la cau duh broă ală cau klau Hamor bèp Sicem dê taih? Ñchi bơh tài bol he pal duh broă Abimelek taih?

I Samuel 20:30

Sol gơhào gơjrañ ngan di Jônathan mơ đơs mơ khai lah: “Ơ kòn klau cau ùr iơh bơsak mơ jak sòdră ne! Añ ò di ò git mê neh sac rwah kòn klau Jese mơ lơh ƀàssìl să tòm mê in bal mơ mè deh mê dê ò ơ?

I Samuel 22:2

Jơh ală cau tìp bơta gơlòng bòl glar hala jơh ală cau gơkòl dồs hala jơh ală cau ò hừh nùs lòt tus ơm bal mơ khai, mơ khai gơlik gơs cau lam bồ bol hơ̆. Ală cau ơm bal mơ khai pơgap poan rhiang nă.

I Samuel 25:9

Tòm tŭ ală cau Dabit sồr lòt neh tus, bol khai ai sơnđan Dabit mơ đơs mơ Nabal ală jơnau hơ̆, mơ bol khai ơm gơn.