I Samuel 24:20 - Sră Goh 2018

²⁰ Tŭ do añ git nền ngan la mê rơp gơs bơtau at bồ, mơ lơgar Israel rơp geh bơtào kơ̆ tòm tê mê.

I Samuel 24:20 ပူးပေါင်းရင်းမြစ်များ

Sră Jop 15:25

Tài bơh khai neh pò tê tòmdră mơ Yàng Tom Trồ, Mơ tòmpơrlòng mơ Bơtau Gơnap Gơnoar Làm Jơh.

Đơs Crih 7:5

Gen lòi cau sò tơm ting kup añ, Jă trơm bơta kis añ tòm ù, Mơ bồr hwềng soàn añ jê tòm kơmbuh ù.

Jơnau Pơnđik 25:21

Dilah cau sò tơm kòn jơgloh, ai tĕ khai in sa; dilah tơhìr dà, ai tĕ khai in hùc;

Mathiơ 2:13

Tòm tŭ bol hơ̆ neh lòt rau, ne, dô nă cau gơnrơh Yàng dê tơnggŏ mơ Jôsep tòm mpau mơ sồr lah: “Guh tĕ, cèng kòn dềt mơ mè Kơnràñ dô pleh tòm lơgar Ejiptơ, mơ kư̆ ơm tềng hơ̆ jơl tus dê tŭ añ yal mê in, bơh Herôt rơp jòi kòn dềt hơ̆ nàng tơnroh.”

Mathiơ 2:16

Dơ̆ Herôt gŏ ală cau jak chài neh pơrlồm khai, gen gơhào gơjrañ oă ngan, mơ sồr tơnchơt jơh ală kòn klau bơh bàr sơnam tus di oh nga tòm Betlehem mơ jơh kơnhwàl hơ̆, jat be tŭ tơngai ală cau jak chài neh yal khai in.

Rutơ 2:12

Dan Yàng Jehôwa tơm wơl ai in jat ală bơta ai neh lơh. Dan ai in dòp geh phan ƀàn dờng tus bơh Jehôwa la Yàng Tom Trồ Israel dê, hơđơm pơnđar Bơtau hơ̆ ai neh tus kìng crŭ.”

I Samuel 13:14

Mơya tŭ do gơnoar at bồ mê dê rơp ò ơm kơ̆; Yàng Jehôwa neh jòi bàn dô nă cau jat nùs Kơnràñ dê mơ pồ bơtào khai lơh gơs cau at bồ hơđang làng bol Kơnràñ dê, tài bơh mê ò lơh jat jơnau sồr Kơnràñ dê.”

I Samuel 23:17

Khai đơs mơ Dabit lah: “Bañ rngòt, bơh tê bèp añ la Sol rơp ò bàn bi. Bi rơp lơh gơs bơtau at bồ Israel, mơ añ rơp gơs kwang at bồ dơ̆ bàr tơnơ̆ mơ bi. Bèp añ jê Sol kung git bơta do behơ̆ sơl.”

I Samuel 26:25

Gen Sol đơs mơ Dabit lah: “Ơ Dabit kòn añ, dan mê in geh lơngai, mê rơp lơh ală broă mơ rơp geh cồng nha.” Behơ̆ Dabit lòt gùng khai dê, ai Sol rê wơl tòm hìu.