I Samuel 24:13 - Sră Goh 2018

¹³ Kung be dô jơnau pơnđik cau yau dê đơs lah: ‘Ală broă lơh iơh bơsak gơlik bơh ală cau iơh bơsak,’ mơya tê añ rơp ò tòmdră mơ bèp.

I Samuel 24:13 ပူးပေါင်းရင်းမြစ်များ

Sơnròp Gơlik Gơs 16:5

Sarai đơs mơ Abram lah: “Bơta ƀàssìl mơ añ kong tuh wơl di să mê. Añ neh ai dĭ ùr añ ơm tòm ntơh mê, mơ bơh tŭ khai neh bun khai sền òsơp dê añ. Dan Yàng Jehôwa cahrña digùl añ mơ mê.”

I Yal Yau 12:18

Gen Yàng Hwềng tus hơđang Amasai, cau at bồ mpồl pe jơt nă, mơ khai đơs lah: “Ơ Dabit, bol hi gơrê bal mơ ồng! Ơ kòn klau Jese, bol hi ơm đah mơ ồng! Dan ồng geh lơngap lơngai, lơngap lơngai, Dan ală cau dong kòl ồng kung geh lơngap lơngai! Bơh Yàng Tom Trồ ồng dê la Bơtau rơp dong kòl ồng.” Behơ̆, Dabit dòp rò bol khai mơ bơtào bol khai gơs cau at bồ ală mpồl cau lòt jat khai.

Ejekiel 16:44

Kòp nă cau òs ngui jơnau pơnđik rơp đơs wơl jơnau pơnđik do bơh ai mơ lah: ‘Mè mbe lơi, gen kòn ùr behơ̆!’

Mathiơ 15:19

Bơh tòm nùs mơ gơlik ală bơta kơlôi iơh, tơnchơt cau, rềs àr, bơrnàn, ntung kơñau, lơh cơng blac, mơ jơnau tràl sơrbil.

Mathiơ 7:20

Behơ̆ bol mê rơp đal git bol khai bơh plai bol khai dê.”

Ală Kwang Cahrña 11:27

Añ ò di la cau neh tìs mơ mê mơya mê neh lơh bơta tìs mơ añ tòm bơta bơtào tòmlơh mơ añ. Dan Yàng Jehôwa la Bơtau Cahrña rơp cahrña lơh nền ngai do bơh bơta tòmlơh digùl làng bol Israel mơ làng bol Ammôn.”