I Samuel 23:26 - Sră Goh 2018

²⁶ Sol lòt rò đah do mơnơm, ai Dabit mơ ală cau khai dê lòt đah ne mơnơm, Dabit sơrbac sơrbang dô bơh dê Sol. Tòm tŭ Sol mơ ală mpồl ling khai dê tus rềp di Dabit nàng kup khai.

I Samuel 23:26 ပူးပေါင်းရင်းမြစ်များ

II Samuel 15:14

Gen Dabit đơs mơ jơh ală cau kwang khai dê ơm bal mơ khai tòm Jerusalem lah: “Guh tĕ! Bol he pal dô, dilah ò gen ò gơs cau lơi rgơi geh klàs bơh di tê Apsalôm. Mhar, rngòt khai rơp tus nàng kup bol he, mơ cèng bơta rung rài hơđang bol he, mơ ngui đào brồ lơh ƀòn dờng.”

II Yal Yau 20:12

Ơ Yàng Tom Trồ bol hi dê, Kơnràñ rơp ò cahrña hơđang bol khai ơ? Bơh bol hi ò gơs gơnoar pràn nàng tòmdră mơ mpồl ling gal ngan do neh lòt tus brồ lơh bol hi. Bol hi ò git ñchi pal lơh, mơya mat bol hi tơnggòr sền di Kơnràñ.”

Đơs Crih 17:11

Bol khai cơnđòa jă di añ, tŭ do bol khai gơrwàng añ, Mat bol khai kơp sền òm nàng lơh tòmpừ añ tòm ù.

Đơs Crih 17:9

Nàng añ klàs bơh di cau iơh bơsak rồn bơklơn añ, klàs di cau sò tơm chơt gơrwàng gùt dar añ.

Đơs Crih 22:12

Gơs oă kơnrồ dam gơrwàng gùt dar añ, Ală kơnrồ dam pràn kơldang Bassan dê gòm gơrwàng añ.

Đơs Crih 22:16

Ngan ală so gòm gơrwàng gùt dar añ, Dô mpồl cau iơh bơsak gòm gơrwàng añ; Bol khai hwit bluh tê mơ jơng añ.

Đơs Crih 31:22

Tòm tŭ dơrcul añ neh đơs lah: “Añ neh kong bơtrơh ngài bơh di đap Yàng.” Mơya tòm tŭ añ hòi dan mơ Yàng dong añ, Gen Kơnràñ kơno jơnau rac dan añ jê.

II Kôrintô 1:8

Ơ oh mi, bol hi kòñ oh mi git bơta bòl glar neh gơlik tus di bol hi tòm lơgar Asia, mbe bol hi neh kong àñ kơnjơ̆ oă ir, rlau mơ pràn he dê, tian gơs bol hi ò gơn kơnòm gam kis tai.

Yal Tơlik 20:9

Bol khai guh làm ù tiah, gơrwàng theng ală cau sàng goh dê mơ ƀòn dờng kòñ gơboh. Mơya gơs ồs dùh bơh đang trồ mơ chu pơrguc bol khai.

Ală Kwang Cahrña 16:2

Cau yal mơ làng bol Gaja lah: “Samsôn neh tus tềng do.” Gen bol khai gơrwàng gùt dar tiah hơ̆ mơ ơm kơp jơh mang di mpồng ƀòn dờng. Bol khai ơm kơp jơh mang hơ̆ mơ kơlôi lah: “Bol he kơp tĕ jơl tus àng drim, gen he rơp tơnchơt khai.”

I Samuel 19:12

Behơ̆ Mikal tơmù Dabit bơh mpồng dềt, khai dô mơ geh klàs.

I Samuel 20:38

Gen Jônathan đơs dờng lah: “Mhar tĕ! Lòt mhar tĕ! Bañ ơm dơh wơl!” Cau kơnòm dòñ ală kam mơ rê wơl hơ cau tòm khai dê.

I Samuel 23:25

Sol mơ ală cau khai dê lòt jòi Dabit. Cau yal Dabit in git bơta hơ̆, gen khai mù tus hơ pơnai lŭ dờng mơ ơm tòm ƀlàng ngềt ngơt Maôn. Tòm tŭ Sol kơno bơta hơ̆ gen khai ting jat Dabit tòm ƀlàng ngềt ngơt Maôn.

I Samuel 23:27

Gen gơs dô nă cau kong sồr lòt tus hơ Sol mơ đơs lah: “Dan tus mhar, cau Philistin neh tus phà tòmpìt lơgar.”