I Samuel 23:18 - Sră Goh 2018

¹⁸ Bàr nă bol khai bơtào gơs bơta ho bal di đap Yàng Jehôwa. Dabit ơm wơl tòm Hôres mơ Jônathan rê hìu.

I Samuel 23:18 ပူးပေါင်းရင်းမြစ်များ

II Samuel 21:7

Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.

II Samuel 9:1

Dabit lùp lah: “Gơs cau lơi tòm hìu Sol gam kis nàng añ rgơi yal tơlik bơta nđàc khai in, tài bơh Jônathan sơl?”

I Samuel 18:1

Tơnơ̆ mơ tŭ Dabit sir tòmbơhbơr mơ Sol, gen hwềng nùs Jônathan đềt mềr mơ hwềng nùs Dabit, mơ Jônathan kòñ gơboh di Dabit be să tòm khai.

I Samuel 18:3

Mơ Jônathan bơtào gơs dô bơta ho bal mơ Dabit tài bơh khai kòñ gơboh di Dabit be să tòm khai dê.

I Samuel 20:42

Gen Jônathan đơs mơ Dabit lah: “Lòt tĕ lơngap lơngai, bơh bol he neh ai sơnđan Yàng Jehôwa mơ srat să tòmho lơh yô bal mơ gơp lah: ‘Yàng Jehôwa lơh cơng digùl bi mơ añ, mơ digùl kòn sau añ mơ kòn sau bi dê sùm sùm.’”

I Samuel 20:8

Gen tàng, yal tơlik tĕ bơta niam lơnhơn cau duh broă bi in, bơh bi neh bơtào dô bơta ho bal mơ añ di đap Yàng Jehôwa. Dilah añ neh tìs glài lơi gen dan să tòm bi tơnchơt añ! Ñchi bơh tài jào añ tòm tê bèp bi taih?”

I Samuel 21:1

Dabit lòt hơ Nop tus hơ cau gơnoar ơn phan duh khoai Ahimelek. Ahimelek rơm să rngòt tòm tŭ tìp Dabit, mơ lùp lah: “Ñchi bơh tài ồng lòt is dô nă, mơ ò gơs dô nă cau lơi lòt mơ ồng taih?”