I Samuel 23:13 - Sră Goh 2018

¹³ Behơ̆ Dabit bal mơ ală cau jat khai pơgap prau rhiang nă, lik bơh Keila mơ bol khai kư̆ lòt tus hơ tiah lơi bol khai rgơi lòt. Tòm tŭ Sol kơno yal lah Dabit neh dô pleh bơh di Keila, gen khai gơplơ̆ nùs ò ting jat tus tềng hơ̆.

I Samuel 23:13 ပူးပေါင်းရင်းမြစ်များ

II Samuel 15:18

Jơh ală cau kwang hơđơm bơtau lòt sơrlèt rlau mơ bơtau, gơs jơh ală cau Keret, cau Phelet mơ jơh dô mpồl prau rhiang nă cau Gat neh lòt jat bơtau bơh Gat; bol khai lòt sơrlèt di đap cau bơtau.

II Samuel 15:20

Mê pa tus ngai òr, mơ ngai do añ rơp lơh mê in kong nrah nring tềng do tềng dă bal mơ bol hi, tòm tŭ añ ò git ntềng đah añ rơp lòt sơl ơ? Rê wơl tĕ, mơ lam ală cau lơgar tòm mê dê rê bal mơ mê. Dan Yàng Jehôwa ràng tơlik bơta kòñ gơboh kơ̆ dơn mơ bơta dòn song ơm bal mơ mê!”

Sră Jop 5:12

Kơnràñ tơnroh kai gơrmơ̆i ală cau lac lèo dê, Nàng tê bol khai ò rgơi tòmpìt geh cồng nha.

Đơs Crih 34:5

Tơnggòr sền tĕ Kơnràñ mơ gơs tĕ muh mat àng gơcrà, Gen muh mat bol mê dê ò gơs tŭ lơi ƀàssìl.

I Samuel 22:2

Jơh ală cau tìp bơta gơlòng bòl glar hala jơh ală cau gơkòl dồs hala jơh ală cau ò hừh nùs lòt tus ơm bal mơ khai, mơ khai gơlik gơs cau lam bồ bol hơ̆. Ală cau ơm bal mơ khai pơgap poan rhiang nă.

I Samuel 25:13

Dabit đơs mơ ală cau khai dê lah: “Kơt tĕ đào bol mê dê!” Behơ̆ bol khai kơt đào bol khai dê, mơ Dabit kơt đào khai dê sơl. Gơs pơgap poan rhiang nă cau lòt bal mơ Dabit, mơ bàr rhiang ơm wơl bal mơ ală phan mơna.