I Samuel 2:33 - Sră Goh 2018

³³ Cau lơi tòm hìu mê dê mơ Añ ò tă tơlik bơh di cơnòng duh khoai Añ jê rơp lòi gam wơl mìng nàng jùt dà mat, mơ lơh nùs mê in moat jrùng, mơ jơh ală cau tòm hìu mê dê rơp chơt bơh đào.

I Samuel 2:33 ပူးပေါင်းရင်းမြစ်များ

I Ală Bơtau 1:19

Khai neh ơn pơdơng duh khoai oă ngan kơnrồ, kơnrồ dam lơmă mơ belàt, kung neh jà jơh ală kòn klau bơtau dê bal mơ Abiatha cau gơnoar ơn phan duh khoai, mơ Jôap cau kwang dờng at bồ ling; mơya khai ò jà Salômôn, cau duh broă bơtau dê.

I Ală Bơtau 1:7

Khai kơlôi bơyai mơ Jôap kòn klau Jeruya bal mơ Abiatha cau gơnoar ơn phan duh khoai, mơ bol hơ̆ dô nùs dong kòl khai.

Lebi 26:16

gen Añ rơp lơh bơta do bol mê in: Añ rơp đùh hơđang bol mê bơta rngòt rngơt dô bă nisơna, bơta kòp jê bơsiă hian mơ kòp prơm tơnroh bơta àng mat bol mê dê mơ pơndut bơta kis bol mê dê. Bol mê rơp sih gar mơ gơlik ò kwơ, bơh ală cau sò tơm bol mê dê rơp sa gơ.

I Samuel 2:32

Gen tòm bơta gơlòng bòl glar bol mê rơp sền mơ nùs hàm kòñ di jơh ală bơta pas gơs rơp geh ai pà hơđang Israel; mơ ò gơs dô nă cau lơi tòm hìu mê rơp kis jòng sơnam.

I Samuel 2:34

Bơta neh lơh nền rài kis bàr nă kòn klau mê dê, hơ̆ la Hôpni mơ Phineas, rơp lơh gơs tềl mê in, bàr nă bol khai rơp chơt bal tòm dô ngai.

I Samuel 22:18

Gen cau bơtau ai jơnau sồr Dôek mơ đơs lah: “Mê wèt mơ tơnchơt tĕ ală cau gơnoar ơn phan duh khoai hơ̆.” Behơ̆ Dôek cau Edôm wèt mơ tơnchơt ală cau gơnoar ơn phan duh khoai. Tòm ngai hơ̆ khai tơnchơt phàm jơt pram nă cau soh ephot lơh mơ bài che dơmài.