I Samuel 2:29 - Sră Goh 2018

²⁹ Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’

I Samuel 2:29 ပူးပေါင်းရင်းမြစ်များ

II Ală Bơtau 12:6

Mơya tus di sơnam dơ̆ bàr jơt pe rài bơtau Jôas, ală cau gơnoar ơn phan duh khoai òhềt rcang niam wơl hìu duh khoai.

Đơs Crih 26:8

Ơ Yàng Jehôwa, añ kòñ gơboh hìu la tiah Yàng ơm, Mơ tềng hơ̆ bơta gơklŏ Kơnràñ dê ơm gam sùm sùm.

Ejekiel 13:19

Bol ai neh sền òsơp di Añ digùl ală làng bol bơh dô sơmbat kòi brà mơ dô êt piang lă. Bơh jơnau đơs blac mơ làng bol Añ jê la cau iat ală jơnau đơs blac, bol ai tơnchơt ală cau ò di pal chơt mơ lòi kis ală cau ò di pal kis.’

Ejekiel 34:10

Jehôwa Yàng Tom Trồ đơs be do: ‘Añ tòmdră mơ ală cau ê mơ Añ rơp lùp belàt Añ jê bơh di tê bol khai; mơ ò ngui bol khai ròng siam belàt tai, nàng ală cau ê rơp ò gam ròng siam să tòm bol khai tai. Añ rơp dong tă mpồl belàt Añ jê klàs bơh di bơr bol khai nàng belàt ò lơh gơs phan sa bol khai in tai.’

Ejekiel 34:2

“Ơ kòn mơnus, đơs hwơr tĕ tòmdră mơ ală cau ê belàt Israel dê; đơs hwơr, mơ đơs tĕ mơ bol khai la ală cau ê belàt lah: ‘Jehôwa Yàng Tom Trồ đơs be do: Ơ bol mê la ală cau ê Israel dê, bol mê la cau mìng ròng siam să tòm! Ò di ală cau ê pal ròng siam mpồl belàt ò ơ?

Sră Ôse 4:8

Bol khai ròng siam să bơh ală bơta tồi glài làng bol Añ jê, bol khai gơboh bơh bơta iơh bơsak làng bol Añ jê.

Lebi 19:15

Bañ lơh rkwet rkwe bơta song ring; bañ bơklơn cau rƀah lơòi hala dong tò cau pas sơm, mơya cahrña tĕ song ring cau gơp ƀòn mê in.

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Mathiơ 10:37

Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in.

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Luka 14:26

“Dilah cau lơi lòt tus hơ Añ mơ ò kòñ gơboh di Añ rlau mơ mè bèp, kòn bau, oh mi, ruh lŏ he dê, mơ bơta kis să tòm he dê sơl, gen ò rgơi lơh gơs cau bơtê Añ jê.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Yal Wơl 32:15

Jesurun sơlo pas sơm mơya pơrlơ̆ dră; khai gơlik gơs dờng mơ lơmă, Khai sang lòi Yàng Tom Trồ la Bơtau neh crơng gơs khai mơ sền òsơp Pơnai Lŭ Bơtau Dong klàs khai dê.

Yal Wơl 33:9

khai neh đơs bơh bèp mơ bơh mè khai dê lah: ‘Añ ò sền bol khai dờng màng;’ khai ò đal git ală oh mi khai dê, hala dòp git ală kòn sau tòm khai dê. Bơh khai lơh jat jơnau Kơnràñ dê, mơ prap gàr bơta ho bal Kơnràñ dê.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

Jôsue 18:1

Gen jơh mpồl jơnum làng bol Israel pơjum bal tòm Silô mơ bơtào Sàl Tòm Mat tềng hơ̆. Jơh lơgar neh ơm hơđơm gơnoar at bồ bol khai dê.

I Samuel 3:13

Bơh Añ neh đơs mơ khai lah Añ rơp lơh glài hìu nhă khai dê sùm sùm, tài bơh tồi glài mơ khai neh git; tài bơh ală kòn klau khai dê neh lơh ală bơta tràl sơrbil di Yàng Tom Trồ, mơ khai ò kơryan bol khai.