I Samuel 2:28 - Sră Goh 2018

²⁸ Añ neh sac rwah ồng pàng mê dê bơh digùl jơh ală jơi bơtiàn Israel dê nàng lơh gơs cau gơnoar ơn phan duh khoai Añ jê, nàng guh hơ cơnòng duh khoai Añ jê, nàng chu kơlhô, mơ nàng soh dô nơm ephot di đap mat Añ. Añ kung neh ai hìu ồng pàng mê in jơh ală phan ơn duh khoai chu pơrguc bơh di làng bol Israel.

I Samuel 2:28 ပူးပေါင်းရင်းမြစ်များ

II Samuel 12:7

Nathan đơs mơ Dabit lah: “Bơtau la cau hơ̆! Jehôwa Yàng Tom Trồ Israel dê neh đơs be do: ‘Añ neh bong mơñà mê in gơs bơtau Israel mơ neh dong tă mê klàs bơh di tê Sol.

II Samuel 6:14

Dabit tòmya di đap Yàng Jehôwa jơh nùs jơh pràn; Dabit soh dô nơm ephot mơ bài che dơmài lơbơn.

Lik Ejiptơ 28:1

Sồr tĕ Arôn bi mê tus hơ mê bơh digùl cau Israel bal mơ ală kòn klau khai dê la Nađap, Abihu, Eleasa, mơ Ithamar, nàng bol khai gơs ală cau gơnoar ơn phan duh khoai duh broă Añ.

Lik Ejiptơ 28:4

Do la ală ồi ào mơ bol khai rơp lơh gơs: dô pang ồi dềt kơt ntơh, dô nơm ephot, dô blah ào jrùh, dô blah ào soh dơlam, dô nơm sơgơn mơ dô nơm che kơt but. Bol khai rơp lơh gơs ală ồi ào ơn is sàng goh hơ̆ Arôn bi mê in, bal mơ ală kòn klau khai dê nàng lơh gơs cau gơnoar ơn phan duh khoai duh broă Añ.

Lik Ejiptơ 30:7

Kòp àng drim, Arôn pal chu kơlhô hơđang cơnòng hơ̆ tòm tŭ khai rcang ồs đèng.

Lik Ejiptơ 30:8

Khai pal chu tai kơlhô hơđang cơnòng hơ̆ tòm tŭ khai chu ồs đèng tòm trồ mho nàng kơlhô rơp chu sùm sùm di đap Yàng Jehôwa tus di ală rài tơnơ̆.

Lebi 2:10

Pơnah gam wơl phan ơn mơ kòi mbo dê gơrê bal mơ Arôn mơ ală kòn klau khai dê, hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 2:3

Pơnah gam wơl bơh phan ơn mơ kòi mbo hơ̆ gơrê bal mơ Arôn mơ ală kòn klau khai dê; hơ̆ la pơnah sàng goh rlau jơh tòm phan ơn chu mơ ồs ơn Yàng Jehôwa in.

Lebi 6:16

Arôn mơ ală kòn klau khai dê rơp sa pơnah gam wơl bơh phan ơn hơ̆, mơya pal sa ò gơs kañ di dô bă tiah sàng goh, bol khai pal sa gơ di ƀlàng jơng gùng Sàl Tòm Mat dê.

Lebi 7:32

Mê pal ai bơnô đah ma ală phan ơn bơta ring lơngai mê dê cau gơnoar ơn phan duh khoai in lơh gơs dô nơm phan ơn khai in.

Lebi 7:36

Tòm ngai bol khai geh bong mơñà, Yàng Jehôwa neh ai jơnau sồr cau Israel pal ai phan hơ̆ bol khai in lơh gơs pơnah òs ơn bol khai in bơh rài do tus di rài rơp tus.”

Khà Làng Bol 16:5

Gen khai đơs mơ Kôra mơ jơh ală cau jat khai lah: “Àng drim hìng gen Yàng Jehôwa rơp ràng tơlik ñcau la cau gơrê bal mơ Kơnràñ mơ ñcau la sàng goh, mơ Kơnràñ rơp lơh cau hơ̆ tus rềp mơ Kơnràñ. Cau mơ Yàng Jehôwa sac rwah gen Kơnràñ rơp lơh cau hơ̆ in tus rềp mơ Kơnràñ.

Khà Làng Bol 18:19

Jơh ală phan sàng goh mơ ală cau Israel ơn Yàng Jehôwa in gen Añ ai mê mơ ală kòn klau kòn ùr mê in lơh gơs pơnah tòm phan òs tòmpà mê in. Hơ̆ la dô bơta ho bal mơ boh gam sùm sùm mê in mơ kòn sau mê in di đap Yàng Jehôwa.”

I Samuel 14:3

Tòm hơ̆ kung gơs dô nă cau soh ephot sơnđan la Ahija kòn klau Ahitup bi klau Ikabôt, la kòn klau Phineas, sau Heli, cau gơnoar ơn phan duh khoai Yàng Jehôwa dê tòm Silô. Ò gơs cau lơi git la Jônathan neh lik lòt.

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.