I Samuel 19:24 - Sră Goh 2018

²⁴ Khai hồ ală ào khai dê mơ đơs hwơr di đap Samuel, khai bic kuh behơ̆ jơh dô ngai mơ dô mang hơ̆. Gen tàng làng bol đơs lah: “Sol kung ơm tòm mpồl ală cau gơnoar hwơr sơl ơ?”

I Samuel 19:24 ပူးပေါင်းရင်းမြစ်များ

II Samuel 6:14

Dabit tòmya di đap Yàng Jehôwa jơh nùs jơh pràn; Dabit soh dô nơm ephot mơ bài che dơmài lơbơn.

II Samuel 6:20

Gen Dabit rê wơl nàng ai lơngai hìu nhă khai in. Mơya Mikal kòn ùr Sol dê, lik rò khai mơ đơs lah: “Mbe lơi bơtau Israel dê lơh să tòm khai in geh màng ryŭ tòm ngai do, ơm să kuh di đap mat ală dĭ ùr cau duh broă khai dê, lơh kung be dô nă cau làng òs, ơm să kuh ò git ƀàssìl!”

Esai 20:2

tòm tŭ hơ̆, Yàng Jehôwa kơnòm di Esai, kòn klau Amôs, mơ đơs lah: “Hồ tĕ ƀào sơnò kiat bơh di să mê, mơ gơltau jă bơh di jơng mê.” Esai lơh jat, lòt gùt dar să kuh mơ jơng gòi.

Mice 1:8

Tài bơh bơta hơ̆ añ rơp ñìm rac mơ pơt wòl; Añ rơp lòt jơng gòi mơ ơm să kuh. Añ rơp ñìm rac kung be so brê, mơ pơt wòl be sềm rgut.

Khà Làng Bol 24:4

jơnau đơs hwơr dô nă cau neh kơno ală jơnau đơs Yàng Tom Trồ dê, la cau neh gŏ bơta gơtơnggŏ bơh di Bơtau Gơnoar Dờng Làm Jơh, la cau neh tơmbic să cùn khoai, mơ mat khai dê neh geh pò.

Broă 9:21

Cau lơi kơno jơnau khai gen ai lơh nrơt nrơl mơ đơs lah: “Ò di cau do neh tơnchơt ală cau hòi dan di sơnđan hơ̆ tòm Jerusalem, mơ kung lòt tus tềng do nàng cap bol khai hwài brê di đap ală cau gơnoar lam bồ ơn phan duh khoai ò ơ?”

I Samuel 10:6

Gen Hwềng Yàng Jehôwa dê rơp mù hơđang mê, mơ mê rơp đơs hwơr bal mơ bol khai; mơ mê rơp geh tòmgơl gơlik gơs dô nă cau ndai.

I Samuel 15:35

Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.

I Samuel 18:10

Ngai tơnơ̆, gơs dô nơm hwềng iơh bơh Yàng Tom Trồ sồr tus dô bă pràn kơldang ngan hơđang Sol. Khai ơm đơs is khai dê kung be cau sơnrang tòm hìu khai dê, Dabit pĕ kơñi be òs. Sol at tà tòm tê,