I Samuel 19:17 - Sră Goh 2018

¹⁷ Sol đơs mơ Mikal lah: “Ñchi bơh tài ai neh pơrlồm añ behơ̆ mơ lòi cau sò tơm di añ lòt tian gơs khai neh dô klàs taih?” Mikal ho Sol lah: “Khai neh đơs mơ añ lah: ‘Lòi tĕ añ in lòt, dilah ò añ rơp tơnchơt ai!’”

I Samuel 19:17 ပူးပေါင်းရင်းမြစ်များ

II Samuel 17:20

Tòm tŭ ală cau Apsalôm dê tus di hìu cau ùr do mơ lùp lah: “Ntềng đah Ahimas mơ Jônathan taih?” Cau ùr ho lah: “Bol khai neh tiă rlau hơ croh dà rau.” Ală cau hơ̆ sơwì jòi mơya ò bàn cau lơi, gen rê wơl hơ Jerusalem.

II Samuel 2:22

Apner đơs pơhìn tai mơ Asael lah: “Ơm tĕ, bañ ting jat añ tai! Ñchi bơh tài añ pal tơnchơt mê taih? Dilah tơnchơt mê, mbe rgơi añ sền mat Jôap la bi mê dê taih?”

I Ală Bơtau 21:20

Ahap đơs mơ Eli lah: “Ơ cau sò tơm, mê neh tìp añ ơ?” Eli ho lah: “Añ neh tìp bơtau, tài bơh bơtau neh tac să he nàng lơh bơta iơh di đap Yàng Jehôwa.”

Mathiơ 2:16

Dơ̆ Herôt gŏ ală cau jak chài neh pơrlồm khai, gen gơhào gơjrañ oă ngan, mơ sồr tơnchơt jơh ală kòn klau bơh bàr sơnam tus di oh nga tòm Betlehem mơ jơh kơnhwàl hơ̆, jat be tŭ tơngai ală cau jak chài neh yal khai in.

Galati 4:16

Añ ai jơnau song đơs mơ oh mi, gen añ gơlik gơs cau sò tơm di oh mi sơl ơ?

I Samuel 19:14

Tòm tŭ Sol sồr cau tus nàng kup Dabit, gen Mikal đơs lah: “Khai bic kòp.”

I Samuel 19:16

Mơya tòm tŭ ală cau mut tòm hìu, bol khai gŏ dô nơm rùp ràk ơm hơđang cơnòng, di bồ gơ gơs dô êt sơnò be.

I Samuel 22:17

Gen bơtau ai jơnau sồr ală cau ling sền gàr ơm di gah khai mơ đơs lah: “Wèt tĕ mơ tơnchơt ală cau gơnoar ơn phan duh khoai Yàng Jehôwa dê tài bơh bol khai kung ơm bal mơ Dabit. Bol khai git Dabit dô, mơ ò yal añ in git.” Mơya ală cau duh broă bơtau dê ò bài pò tê tơnchơt ală cau gơnoar ơn phan duh khoai Yàng Jehôwa dê.

I Samuel 28:12

Tòm tŭ cau ùr gŏ Samuel gen khai driau dờng mơ đơs mơ Sol lah: “Ñchi bơh tài ồng pơrlồm añ taih? Ồng la Sol!”