I Samuel 19:1 - Sră Goh 2018

¹ Sol đơs mơ Jônathan kòn klau khai dê bal mơ jơh ală cau duh broă khai dê tơnchơt Dabit. Mơya Jônathan kòñ gơboh đềt mềr di Dabit.

I Samuel 19:1 ပူးပေါင်းရင်းမြစ်များ

Sơnròp Gơlik Gơs 37:18

Ală bol hơ̆ gŏ khai gam ngài, òhềt tus rềp, gen tòmbơyai jòi kai gơrmơ̆i nàng tơnchơt khai.

II Samuel 4:8

Bol khai cèng bồ Isbôset tus hơ Dabit tòm Hebrôn, mơ đơs mơ cau bơtau lah: “Do la bồ Isbôset kòn klau Sol, cau sò tơm bơtau dê, la cau neh jòi gùng nàng tă bơta kis bơtau dê. Ngai do Yàng Jehôwa neh sal tê cau tòm añ in la bơtau hơđang Sol mơ jơi bơtiàn khai dê.”

I Samuel 18:1

Tơnơ̆ mơ tŭ Dabit sir tòmbơhbơr mơ Sol, gen hwềng nùs Jônathan đềt mềr mơ hwềng nùs Dabit, mơ Jônathan kòñ gơboh di Dabit be să tòm khai.

I Samuel 18:25

Gen Sol ho lah: “Bol mê đơs tĕ mơ Dabit be do: ‘Bơtau ò kòñ phan kơt bau lơi rlau mơ dô rhiang pet gơltau cau Philistin dê nàng khai sal tê di cau sò tơm bơtau dê.’” Hơ̆ la kai gơrmơ̆i Sol dê nàng Dabit gơkòl chơt tòm tê cau Philistin dê.

I Samuel 18:3

Mơ Jônathan bơtào gơs dô bơta ho bal mơ Dabit tài bơh khai kòñ gơboh di Dabit be să tòm khai dê.

I Samuel 18:8

Sol gơjrañ ngan, bơh jơnau đơs chò hơ̆ ò niam nùs khai dê. Khai kơlôi lah: “Bol khai jòng ro Dabit neh tơnchơt oă jơt rbô, đah mơ añ gen mìng oă rbô. Ñchi bơta rlau tai khai rgơi geh, mìng siơ̆u gơnoar at bồ lơgar?”

I Samuel 18:9

Mơ bơh di ngai hơ̆ Sol sền di Dabit mơ gar mat ƀoah gơjrañ.

I Samuel 19:2

Jônathan yal Dabit in lah: “Sol bèp añ kòñ tơnchơt mê; gen tàng kơrhia tĕ tòm drim ngai hìng, ơm tòm tiah ndơp ndơr mơ pồn să mê tềng hơ̆.

I Samuel 20:1

Gen Dabit dô bơh Naiôt tòm Ramah, tus mơ Jônathan mơ đơs lah: “Ñchi añ neh lơh taih? Tồi glài añ la ñchi taih? Ñchi añ neh tìs mơ bèp bi mơ khai jòi tơnchơt añ taih?”

I Samuel 20:19

Ngai hìng nau, bi lòt tus tĕ di tiah bi neh pồn să lài òr, mơ gơn añ rềp di pơnai lŭ Ejel.