I Samuel 18:1 - Sră Goh 2018

¹ Tơnơ̆ mơ tŭ Dabit sir tòmbơhbơr mơ Sol, gen hwềng nùs Jônathan đềt mềr mơ hwềng nùs Dabit, mơ Jônathan kòñ gơboh di Dabit be să tòm khai.

I Samuel 18:1 ပူးပေါင်းရင်းမြစ်များ

Sơnròp Gơlik Gơs 44:30

Bèp kòñ gơboh di oh put añ jê oă ngan tian gơs bàr nơm hwềng bol khai gơtòmsòr tòmđềt bal. Tŭ do, dilah dơ̆ añ rê wơl hơ cau dĭ kơnràñ la bèp añ mơ ò gơs oh put hơ̆,

II Samuel 1:26

Ơ Jônathan bi añ, añ jê nùs ngan tài bơh bi. Bi neh kòñ gơboh đềt mềr mơ añ. Bơta kòñ gơboh bi dê gơwèt mơ añ la krơi is crih crài, krơi is crih crài rlau mơ bơta kòñ gơboh di cau ùr.

I Yal Yau 12:17

Dabit lik lòt wă rò bol khai, mơ đơs mơ bol khai lah: “Dilah bol mê tus mơ añ be cau bơyô nàng dong kòl añ, gen nùs añ rơp gơlik gơs dô bă bal mơ bol mê. Mơya dilah bol mê tus nàng tòmdră mơ añ be cau sò tơm añ jê, bulah tê añ jê ò lơh bơta tìs; gen dan ồng pàng bol he dê sền gŏ mơ cahrña bol mê.”

Đơs Crih 86:11

Ơ Yàng Jehôwa, dan bơto añ in git gùng dà Kơnràñ dê, Nàng añ rơp lòt jat jơnau song Kơnràñ dê; Dan lơh añ in gơs nùs song ngan nàng duh rngòt di sơnđan Kơnràñ.

Jơnau Pơnđik 18:24

Gơlơh be geh oă bơyô rơp lơh iơh he in; Mơya gơs mìng dô nă bơyô ngan đềt mềr rlau mơ oh mi tòm.

Yal Wơl 13:6

Dilah oh mi tòm bol mê dê, hala kòn klau kòn ùr bol mê dê, hala bau ùr mê kòñ gơboh, hala cau bơyô đềt mềr rlau jơh bol mê dê ơniai òm bol mê mơ đơs lah: “Bol he lòt tĕ duh khoai ală yàng ndai,” la ală yàng mơ bol mê mơ ală ồng pàng bol mê dê kung ò git,

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

Ală Kwang Cahrña 20:11

Behơ̆ jơh ală cau klau Israel dê pơjum bal mơ lơh gơs dô bă bal kung be dô nă tòmdră mơ ƀòn dờng hơ̆.

I Samuel 14:45

Mơya ală cau Israel đơs mơ Sol lah: “Jônathan la cau neh lơh Israel in pha lin dờng behơ̆ mơ pal kong chơt sơl ơ? Nền cê ngan la ò! Ngan be Yàng Jehôwa gam kis sùm, bulah dô dang che sŏ hơđang bồ khai kung rơp ò rung di ù, tài bơh ngai do khai neh lơh broă bal mơ Yàng Tòm Trồ.” Behơ̆ la làng bol neh dong tă Jônathan mơ khai ò pal chơt.

I Samuel 18:3

Mơ Jônathan bơtào gơs dô bơta ho bal mơ Dabit tài bơh khai kòñ gơboh di Dabit be să tòm khai dê.

I Samuel 19:1

Sol đơs mơ Jônathan kòn klau khai dê bal mơ jơh ală cau duh broă khai dê tơnchơt Dabit. Mơya Jônathan kòñ gơboh đềt mềr di Dabit.

I Samuel 19:2

Jônathan yal Dabit in lah: “Sol bèp añ kòñ tơnchơt mê; gen tàng kơrhia tĕ tòm drim ngai hìng, ơm tòm tiah ndơp ndơr mơ pồn să mê tềng hơ̆.

I Samuel 20:17

Jônathan sồr Dabit lơh nền dô dơ̆ tai jơnau ho bal khai dê tòm bơta kòñ gơboh di khai, tài bơh khai kòñ gơboh di Dabit be să tòm he.

I Samuel 20:8

Gen tàng, yal tơlik tĕ bơta niam lơnhơn cau duh broă bi in, bơh bi neh bơtào dô bơta ho bal mơ añ di đap Yàng Jehôwa. Dilah añ neh tìs glài lơi gen dan să tòm bi tơnchơt añ! Ñchi bơh tài jào añ tòm tê bèp bi taih?”

I Samuel 22:8

Ngan sơl la tài bơh hơ̆ tàng jơh ală bol mê tòmbơyai òm jòi kai gơrmơ̆i tòmdră mơ añ? Ò gơs dô nă cau lơi ai añ in git tòm tŭ kòn klau añ bơtào bơta ho bal mơ kòn klau Jese dê. Ò gơs dô nă cau lơi tòm bol mê kơlôi bơh añ mơ yal añ in git kòn klau añ jê neh chồl bơtrut cau duh broă añ kơp òm nàng brồ lơh añ kung be khai lơh tòm ngai do.”

I Samuel 23:18

Bàr nă bol khai bơtào gơs bơta ho bal di đap Yàng Jehôwa. Dabit ơm wơl tòm Hôres mơ Jônathan rê hìu.